HPGyî nasnameyê di şehîdan eşkera kerdî
HPGyî nasnameyê di şehîdanê Botanî eşkera kerdî û pare kerd ke nê şehîdan Serhildan Maku û Dîren Amedî bi rayraşîyayîşê xo erjê neweyî dayê têkoşînê şorişî.
Merkezê Îrtîbatî û Çapemenîye yê HPGyî nasnameyê di şehîdanê Botanî eşkera kerdî. Eşkerayîye wina ya:
''9ê tebaxa 2023yî de warê Elkê yê Botanî de embazê ma Serhildan Maku û Dîren Amed hêrişanê dişmenî de şehîd bîyî.
Embazanê ma Serhildan û Dîrenî Botan de wextê hêrişanê giranan ê dişmenî de erkê milîtanîye bi serkewtişî kerd. Nê embazê ma bîyî îsbatê bêmexlûbîya milîtananê Apogîran. Embazanê ma Serhildan Maku û Dîren Amedî bi rayraşîyayîşê xo erjê neweyî dayê têkoşînê şorişî. Ma sere de keyeyanê înan ê ercîyayeyan rê, pêro şarê Kurdîstanî yê welatperwerî rê serweşîye wazenê. Ma soz danê ke wayîrê mîrasê xoverdayîşî yê embaz Serhildan û Dîrenî vejîyê û nê mîrasî ser bivisnê.
Nasnameyê embazanê ma yê şehîdan wina yê:
|
|
Nameyê Qodî: Serhildan Maku Name û Peyname: Ali Ahmedpur Cayê Bîyayîşî: Maku Maye-Pî: Cemile – Mihyedîn Tarîx û Cayê Şehadetî: 9ê Tebaxa 2023yî / Botan |
|
|
Nameyê Qodî: Diren Amed Name û Peyname: Mazlum Şener Cayê Bîyayîşî: Amed Maye-Pî: Afitab – Urfan Tarîx û Cayê Şehadetî: 9ê Tebaxa 2023yî / Botan |
Embazê ma Serhildan şaristanê Makuyî yê Rojhelatê Kurdîstanî de dadîya xo ra beno. Embazê ma Serhildan Komployê 15ê Sibata 1999î ra dima bi qerardarî verê xo dano koyan û beno gerîla. O Şehîdan de dest pê gerîlatîye keno. Dima sere de Xakurkê û Zap xeylêk waranê Herêmanê Pawitişî yê Medya de şer keno. Embaz Serhildan heman wextî de karê milîtanîye zî keno û şarê ma rêxistin keno. O 2008 de Akademîya Mahsum Korkmazî de perwerde gêno û sey fermandarêkî verê xo dano herêma Serhedî. Embaz Serhildan 2010 de beno esîrê dewleta Armenîstanî û çar serran zîndan de maneno. Dima 2014 de zîndanî ra vejîyeno û ancî şino koyan. Embaz Serhildan Qendîl û Heftanîn de erk keno. Embaz Serhildan dima Botan de erk keno û bi coşî pêro mesuldarîyanê xo heta şehadetî bê kêmasî ano ca.
Embazê ma Dîren Amed de dadîya xo ra beno. O hêverî tewrê xebatanê ciwanan beno. 2014 de embaz Dîren seba xurtkerdişê têkoşînê azadîya Rayber Apoyî tewrê gerîlayan beno. O Amed de gerîlatîye pratîze keno. Dima warê Heftanînî yê Herêmanê Pawitişî yê Medya de erk keno û xo aver beno. 3 serran ra dima embaz Dîren seba têkoşînêkê pîlêrî verê xo dano herêma Botanî. Embaz Dîren Botan de bi serkewtişî têgêreno û embazanê xo rê beno nimûne. O hertim bi aktîfî tewrê çalakî û xebatan beno. Embaz Dîren heta şehadetê xo nêvindeno. Ma soz danê ke do bibê layîqê têkoşînê ey.''
