Merkezê Îrtîbatî û Çapemenîye yê HPGyî bi eşkerayîyêke da zanayene ke 3yê kanûne de gerîlayê înan Herekol Hezex pêkewtişê vera artêşa tirke ya îşxalkere de şehîd bîyo û gerîla Kurtay Şerzan de 17ê teşrîna peyêne de Erzîngan de netîceya xayînîye de serê erkê xo de şehîd bîyo.

Eşkerayîye wina ya:

''Ma eşkerayîya xo ya 6ê kanûne de dabi zanayene ke 3yê kanûna 2023yî de nêzdîyê bajarekê Deywanî yê qezaya Kerboranî yê Mêrdînî de di embazanê ma dişmenî reyde temas kerdo, bi çekanê xo yê ferdîyan embazanê ma vera dişmenî bi cesaretî şer kerdo û seba ke nêkewê destê dişmenî xo ser de bomba teqnaya. Ma dabi zanayene ke nê wird embazanê ma ra yew Rodî Nalîn o. Amebi qetîkerdene ke şehîdê ma yo bîn Herekol Hezex o.

Ma sere de keyeyê ci yê ercîyayeyî rê pêro şarê Hezexî û Kurdîstanî yê welatperwerî rê serweşîye wazenê. Ma soz danê ke xeta şehîdan tim teqîb bikerê û heta le armancanê şehîdan bîyarê ca bêmabên têkoşîn bikerê.

Nasnameyê embazê ma yê Herekol Hezexî wina yo:

Embazê ma Herekol Hezex de dadîya xo ra beno. Embaz Herekol hêverî tewrê xebatanê ciwanan beno. Dima zî 2015 de Gabarî ra verê xo dano koyan û beno gerîla. O Gabar de perwerde vîneno. Embaz Herekol 2017 de baska xo ra beno birîndar la rixmê ney zî têkoşînî rê dewam keno. Embaz Herekol 2018 de Gabarî ra derbazê Herêmanê Pawitişî yê Medya beno. Embaz Herekol tîya de perwerdeyêkê xurtî vîneno û dima ancî verê xo dano Vakurê Kurdîstanî. Embaz Herekol 3yê kanûne de embazê ma Rodî Nalînî reyde vera dişmenî têkoşînêkê bêemanî keno û beno şehîd.

Kurtay Şerzan

Embazê ma Kurtay Şerzan 17ê teşrîna peyêne ya 2023yî de Herêma Dêrsimî de warê Kemahî yê Erzînganî de wexto ke erkê xo ser de bi netîceya xayînîya kesê bi nameyê Arasî de beno şehîd.

Ma sere de keyeyê ci yê ercîyayeyî rê pêro şarê Kurdîstanî yê welatperwerî rê serweşîye wazenê. Ma soz danê ke perwerê vîrameyîşê embaz Kurtayî bibê û xeyalanê ci qetî bîyarê ca.

Nasnameyê embazê ma Kurtya Şerzanî wina yo:

Embazê ma Kurtay Wan de keyeyêkê welatperwerî de dadîya xo ra beno. Embaz Kurtay 2008 de şehadetê apê xo ra dima tewrê xebatanê ciwanan beno. Embazê ma Kurtay 2015 de bi qerardarî verê xo dano koyan û beno gerîla. O Amed de perwerde vîneno û xo aver beno. Embaz Kurtay dima derbazê Dêrsimî beno û tîya de çalakîyanê serkewteyan keno. Embaz Kurtay wextêk Herêma Dengizê Reşî de zî gerîlatîye keno. 2018 de ancî agêreno Dêrsimî. Embazê ma Kurtay pêro erk û mesuldarîyanê xo tim bêkêmasî ano ca. O bi îradeyê Apogîran derbanê giranan dano dşmenî ro. Embaz Kurtay heta şehadetê xo qetî tewirê xo yê Apogîrî ra tawiz nêdano.''