HPGyî nasnameyê di şehîdan eşkera kerdî
HPG: Embazanê ma Havîne û Delîlî armancê xo yo tewr pîl kerd caardişê azadîya şarê ma û embazîya holî ya bi Rayber Apoyî û bi keda xo û cesaretê xo yê meydanê şerî zî no armancê xo ard ca.
Merkezê Îrtîbatî û Çapemenîye yê HPGyî nasnameyê di şehîdan eşkera kerdî.
Eşkerayîye wina ya:
''4ê kanûna 2023yî de hêrişê dişmenî yê vera Herêma Şehîde Delîlî yê Rojawanê Zapî de embazê ma yê ercîyayeyî Havîne Gabar û Delîl Tolhildan şehîd bîyî.
Embazanê ma Havîne û Delîlî armancê xo yo tewr pîl kerd caardişê azadîya şarê ma û embazîya holî ya bi Rayber Apoyî û bi keda xo û cesaretê xo yê meydanê şerî zî no armancê xo ard ca. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
|
|
Nameyê Qodî: Havîne Gabar Name û Peyname: Canane Oral Cayê Bîyayîşî: Aydin Maye-Pî: Rahmete – Abdulaziz Tarîx û Cayê Şehadetî: 4ê Kanûna 2023yî |
Havîn Gabar – Canane Oral
|
|
Nameyê Qodî: Delîl Tolhildan Name û Peyname: Îsa Kahraman Cayê Bîyayîşî: Agirî Maye-Pî: Kemalî – Agabey Tarîx û Cayê Şehadetî: 4ê Kanûna 2023yî |
Delîl Tolhildan – Îsa Kahraman
Embaza ma Havîne keyeyêkê şirnexijî de Aydin de dadîya xo ra bena. A hêverî xebatanê ciwanan de ca gêna û hêrişê dişmenî yê vera cenazaya embaz Haci Lokman Bîrlîkî ra dima 2015 de tewra gerîlayan bena. A cade bena gerîlayêka marîfetîne û xeylêk waran de têkoşînêkê xurtî kena. Embaze Havîne Herêmanê Pawitişî yê Medya de çalakîyanê serkewteyan rê serkêşîye kena.
Embazê ma Delîl qezaya Patnosî ya Agirî de dadîya xo ra beno. Embaz Delîl tim armanc keno ke xeyalê serewedaritoxanê Agirî bîyaro ca. Nê armancî ser o o 2014 de bi qerardarî verê xo dano koyan û beno gerîla. O perwerdeyan ra dima derbazê Herêmanê Pawitişî yê Medya beno. O Şingal de vera DAÎŞî şer keno. Serkewtişê Şingali ra dima agêreno koyan. Embazê ma Delîl Herêma Şehîd Delîlî ya Rojawanê Zapî de performansêkê xurtî mojneno û bi nê hawayî şehîd beno.
