Merkezê Îrtîbatî û Çapemenîye yê HPGyî bi eşkerayîyêke nasnameyê di şehîdanê Metîna eşkera kerdî. Eşkerayîye wina ya:

''15ê çeleyê 2024î de ma eşkerayîya xo de dabi eşnawitene ke Warê Xoverdayîşî yê Girê Hekarî de vera îşxalkeran çalakîyêka koordîneyîne ameya kerdene, 12 îşxalkerî çalakîye de ameyê cezakerdene, 8 îşxalkerî birîndar bîyê û embazê ma Jêhat netîceya têkoşînê fedayî yê Apogîrî de şehîd bîyo. Embazê ma Sason Asmîn zî çalakîye ra dima şehîd bi.

Embazê ma Sason û Jêhat bi tewir û têkoşînê xo bîyî nimûneyê esîlî yê milîtanîya Apogîre. Ma sere de keyeyanê înan ê ercîyayeyan rê, pêro şarê Kurdîstanî yê welatperwerî rê serweşîye wazenê. Ma ancî soz danê ke vîrameyîşê şehîdanê xo mîyanê têkoşînê xo de bipawê.

Nasnameyê embazanê ma yê şehîdan wina yê:

Embazê ma Sason Wan de dadîya xo ra beno. Embazê ma Sason hema domanîya xo de gerîlayan şinasneno. Embazê ma wextê Şorişê Rojawanî de bi qerardarî verê xo dano koyan û 2014 de beno gerîla.  O Metîna de perwerde vîneno û tîya de xebatan keno. Embazê ma Sason pê kesayet û xîretê xo beno mazharê heskerdişê embazanê xo. O 2021 de Akademîya Mahsum Korkmazî de perwerde vîneno û ancî verê xo dano Metîna. Embaz Sason Metîna de mîyanê tîmanê hereketînan de cagêno, derbanê giranan dano dişmenî ro. Embaz Sason bi tewirê xo yê xurtî embazanê xo rê zî beno mîsal. O çalakîya 13ê çeleyî de bi xurtî têkoşîn keno û beno şehîd. Xeta xoverdayîşî ya embaz Sasonî do ma rê biba rêber.

Embazê ma Jêhat mîyanê keyeyêkê mêrdinijî de Amed de dadîya xo ra beno.  Embazê ma Jêhat hema ciwanîya xo de tewrê xebatan beno. Embaz Jêhat wextê hêrişanê giranan de bi hêrsî verê xo dano koyanê Kurdîstanî û 2019 de beno gerîla. O cade adapteyê koyan beno.  O xebatanê Komalanê Ciwanan de cagêno. O bi perwerdeyan xo aver beno. Embaz Jêhat Metîna de pratîkê xo eşkera keno û xeylêk çalakîyanê serkewteyan rê kede dano. Embazê ma Jêhat Warê Xoverdayîşî yê Girê Hekarî de 13ê çeleyî de bi qerardarî şino serê dişmenî, heta nefesê xo yê peyênî bi fedayîtî şer keno û beno şehîd.''