Merkezê Îrtîbatî û Çapemenîye yê HPGyî nasnameyê di şehîdanê Xakurkê eşkera kerdî.

Eşkerayîye wina ya:

''18ê nîsana 2024î de embazê ma Mervan û Tufan Xakurkê de hêrişanê dişmenî de şehîd bîyî. 

Embazanê ma Mervanî û Tufanî tim krîterê partîya ma kerdî bingeyê xo û kerd ke erk û mesuldarîyanê xo bîyarê ca. Wird embazanê ma zî bala xo dabî serkewtişî û terzo fedayî yo Apogîr esas kerdbî. Ma nînan bi hûrmet û minetî yad kenê.

Ma sere de keyeyanê înan ê ercîyayeyan rê, pêro şarê Kurdîstanî yê welatperwerî rê serweşîye wazenê. Ma soz danê ke têkoşînê înan rê bi qerardarî dewam bikerê.

Nasnameyê embazanê ma yê şehîdan wina yê:

Embazê ma Mervan Heleb de dadîya xo ra beno. Xalê ey 1997 de tewrê gerîlayan beno. Embaz Mervan zî tim xeyalê gerîlatîye keno. Embaz Mervan 2014 de xeyalê xo ano ca, verê xo dano koyan. O Qendîl de perwerde vîneno. O 2017 de derbazê Xakurkê beno û tîya de têkoşînêkê xurtî ano ca. Embaz Mervan pêro erkanê xo bi layîqî ano ca, bêteredutî tewrê şerî beno. Bi nê hawayî embaz Mervan zerrîya embazanê xo de beno wayîrê cayêkê zixmî.

Embazê ma Tufan Dihê de dadîya xo ra beno. O dima ke raştîya dişmenî şinasneno keweno peyê cigêrayîşan. Embaz Tufan 2012 de tewrê gerîlayan beno. O Zagrosan de perwerde vîneno. O Rojawan de vera DAÎŞî şer keno û bi tecrubeyanê pîlan agêreno koyanê Xakurkê. Embaz Tufan tim wazeno hêrişanê dişmenî rê bibo cewab û nê esasî ser o xo aver beno.  O vera îşxalê dişmenî îradeyêkê xurt û qerardarî mojneno ra û beno perwerê israrê serkewtişî.''