HPGyî nasnameyê di şehîdan eşkera kerdî
HPGyî nasnameyê di şehîdan eşkera kerdî û vat: ''Embazê ma Nûjîyane û Diljîne heta nefesê xo yê peyênî xeta Rayberîye de bîyî wayîrê tewirêkê zixm û zelalî.''
HPGyî nasnameyê di şehîdan eşkera kerdî û vat: ''Embazê ma Nûjîyane û Diljîne heta nefesê xo yê peyênî xeta Rayberîye de bîyî wayîrê tewirêkê zixm û zelalî.''
Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:
''Embazê ma Nûjîyane û Diljîne 23yê nîsana 2024î de Xakurkê de hêrişê vera artêşa tirke ya îşxalkere de şehîd bîyî.
Milîtanê qehremanî yê têkoşînê azadîya cinîyan embazê ma Nûjîyane û Diljîne heta nefesê xo yê peyênî xeta Rayberîye de bîyî wayîrê tewirêkê zixm û zelalî. Wird embazanê ma zî têkoşînê xo de tim israr kerd û xo aver berd. Ê seba armancanê xo bê teredutî tewrê karwanê şehîdan bîyî.
Ma sere de keyeyanê înan ê ercîyayeyan rê, pêro şarê Kurdîstanî yê welatperwerî rê serweşîye wazenê. Ma soz danê ke seba ke bibê layîqê têkoşînê şehîdan bi mesuldarî û hişmendî do ser bikewê.
Nasnameyê embazanê ma yê şehîdan wina yê:
|
Nameyê Qodî: Nûjiyane Îsyan Name û Peyname: Hatîce Kaya Cayê Bîyayîşî: Mêrdîn Maye-Pî: Nacîye – Îsmaîl Tarîx û Cayê Şehadetî: 23yê Nîsana 2024î / Xakurkê |
|
Nameyê Qodî: Diljîne Azadî Name û Peyname: Hêva Kilêvçek Cayê Bîyayîşî: Efrîn Maye-Pî: Fehîme – Abdulrahman Tarîx û Cayê Şehadetî: 23yê Nîsana 2024î / Xakurkê |
Embaza ma Nûjîyane Mêrdîn de dadîya xo ra bena. A hema domanîya xo de qirkerdişanê dewlete şinasnena. Embaza ma Nûjîyane wextê xoverdayîşê xoîdarekerdişî de binê tesîrê qetlîamê bodruman de manena û 2016 de tewra gerîlayan bena.
A Garê de perwerde vînena. 2018 de zî a Akademîya Şehîd Mahîrî de perwerde vînena û derbazê Avaşînî bena. Embaze Nûjîyane tim nasnameyê cinîya azade temsîl kena û bena milîtanêka xurte. A peyê xo de rêçêkê mendeyî verdena. Ma zî soz danê ke xeyalanê aye qetî do bîyarê ca.
Embaza ma Diljîne Efrîn de dadîya xo ra bena. A xeyrê keyeyê xo yê welatperwerîyî ra têgêrayîşê ma domanîya xo de şinasnena. Embaze Diljîne wextê Şorişê Rojawanî de tewra Komalanê Ciwanan bena. A wextê hêrişanê DAÎŞî de zî xebatanê partîye kena û dima tewra gerîlayan bena.
Embaze Diljîne 2018 de Garê de perwerde vînena, 2019 de Dibistana Şehîd Mehmet Goyîyî de perwerde vînena û derbazê Xakurkê bena. A Xakurkê de têkoşînêkê xurtî ana ca û bena gerîlayêka YJA-Starî ya marîfetîne. A bi kesayetê xo bena mazhara heskerdişê embazanê xo. Ma soz danê ke têkoşînê aye bi serkewtişî tacîdar bikerê.