Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:

''Milîtananê serkêşan û fedayîyan ê partîya ma ra Fermandarê Eyaletê Wanî Gever Zafer û embazê ma Andok Tendurek 28ê teşrîna verêne ya 2018î de warê Kato Ortê yê Eyaletê Wanî de hêrişê hewayî de şehîd bîyî. Ma embazanê xo serrgêra şehadetanê înan de bi rêz û minetî yad kenê.

Sere de keyeyanê şehîdanê ma yê ercîyayeyan rê, eşîra Gewdanî, Çildêran û pêro şarê ma yê welatperwerî rê serweşîye wazenê. Ma soz danê ke vîrameyîşê şehîdanê xo bipawê û armancanê înan bîyarê ca.

Nasnameyê embazanê ma yê şehîdan wina yê:

Embazê ma Gever Gever de dadîya xo ra beno. 1993 de o tewrê gerîlayan beno û Xakurkê de perwerdeyî gêno û 1997 de beno fermandarê manga. 1998 de çalakîye de beno birîndar. 2002 de Dibistana Mazlûm Doganî de perwerde vîneno. O tim beno perwerê şehîdan û Rayber Apoyî û tim keno ke embazanê xo rê bibo fermandarêko hol. O 2002 de agêreno Botanî û heta 2010î tîya de têkoşîn keno. Xeylêk çalakîyanê serkewteyan de cagêno.

Embazê ma Gever 2011 de Akademîya Mahsum Korkmazî de perwerde vîneno û tîya ra derbazê Zapî beno. O 2012 de zî Ocaxê PKKyî de tewrê perwerdeyan beno. O 2014 de ancî tabura xo reyde derbazê Botanî beno. Hemrayê ma Gever 2015 de Elkê de çalakîya ke tede 75 îşxlkerî amebî cezakerdene aye rê serkêşîye keno. Embazê ma Gever bi nê hawayî beno Fermandarê Eyaletê Wanî. O ancî Akademîya Mahsum Korkmazî de perwerde vîneo û xo hîna aver beno. Embazê ma Gever 25 serran wina bêmabên têkoşîn keno û peyê xo de mîrasêkê pîlî verdano.

Embazê ma Andok Wan de dadîya xo ra beno. O hêverî tewrê xebatanê ciwanan beno û dima zî 2016 de tewrê gerîlayan beno. Embazê ma Andok Faraşîn de perwerde vîneno. O tim bi perwerdeyan xo aver beno. Embazê ma Andok keno ke pêro erk û mesuldarîyan bêkêmasî bîyaro ca. O hertim têkoşînêkê xurtî keno. Ma soz danê ke xeyalê ey ê Kurdîstanî azadî qetî awan bikerê.''