Merkezê Îrtîbatî û Çapemenîye yê HPGyî derheqê di gerîlayanê ke şehîd bîyî de eşkerayîye daye û nê pare kerdî:

''25ê temmuza 2024î de hêrişê dişmenî yê vara Herêmanê Pawitişî yê Medya de hemrayê ma mîlîtanê Apoyî yê erjîyayeyî Şerzan û Botan tewrê kerwanê şehîdan bîyî.

Ma sey hemrayanê înan sere de keyeyanê erjîyayeyan ê  hemrayanê xo Şerzan û Botanî rê heme şarê welatperwerî yê Kurdîstanî rê serweşîye wazenê û soz danê ke têkoşîno ke hemrayanê ma dewrê ma kerd ma do bi serkewtişî tacîdar bikerê.

Nasnameyê hemrayanê ma yê şehîdan wina yê:

Hemrayê ma Şerzano ke  qehremanîya şarê Botanî û felsefeya Apoyî kesayetê xo temsîl kerdêne serranê xo ciwanan de dest pê rayraşîyayîşê şorişgêrî kerd û  têkoşînê xo kirişt titîkê koyanê Kurdsîtanî. Hemrayê ma Şerzanî ke vera hêrişanê serê şar û têgêrayîşê ma berpirsîyarîya tarîxî girewte xo ser, xeylê operasyonanê şorişgêran de ca girewt. Bi cesaret, fedakarîya xo tim mîlîtanêko nimûne bi. Têkoşînê hemrayê ma Şerzanî do têkoşînê ma rê rehberîye bikero.

Mîlîtananê fedayîyan ê Rojhelatê Kurdîstanî ra hemrayê ma Botan ke serranê xo yê ciwanîye de dest pê têkoşînî kerd bi têkoşînê gerîlayan resna titîkî. Hemrayê ma Botanî ke her hela xo de hemrayê xo hîskerdêne tim waştêne şiro waranê xoverdayîşî. Hemrayê Botanî bi felsefeya cuyeya azade ya Apoyî xo aver berd û bi kesayêtê xo yê fedakar, kedkarî heme hemrayanê xo rê rêçê ke do nêrê esteretene verdayî.