Merkezê Îrtîbatî û Çapemenîye yê HPGyî eşkera kerd ke di gerîlayê cinîyî Heftananîn de şehîd bîyî û nê pare kerdî:

''Ma eşkerayîya xo ya 9ê sibata 2025î de dabi pêhesnayene ke hemrayanê ma Zîlane û Delale 24ê çeleyî de operasyon de bi cesaretê pîlî şîyî dişmenî ser û seba ke weş destê dişmenî mekewê bombayê xo serê xo de teqnayî û tewrê kerwanê şehîdan bîyî.

Hemrayanê ma Zîlane û Delale sey Zîlane-Zeynep Kinaci û Delale-Hulya Eroglu yê ke nameyê înan girewtî, xo semedê azadîya heme cinîyan, şarê kurdî û şaranê bindestan feda kerd. Embazê ma Zîlane û Delale semedê pawitişê estbîyayîşê şarê xo û caardişê azadîya ci bi hewayêkê fedakarî têkoşîn kerd. Wird hemrayanê ma sey şervananê qehremanan ê YJA Starî û mîlîtananê fedayîyan ê Apoyî bi performansê xo çalakîyan de serekwtişê girdî fînayî dest. Gama ke dişmen pîya bi xayînan ame înan ser, reyna mojna ra ke cinîya kurd a azade  û mîlîtanîya fedayîye ya Apoyî çirey teslîm nêbena. Coka bombaya xo ya peyêne semedê xo nimite, anorê xo pawit û tewrê kerwanê şehîdan bîyî.

Ma keyeyanê erjîyayeyan ê hemrayanê xo Zîlane û Delale rê û sere de şarê Colemêrg û Rojawanê Kurdîstanî rê heme şarê welatperwerî yê kurdan rê serweşîye wazenê û soz danê ma ke bi xurtkerdişê têkoşînî waştişê şehîdan bîyarê ca.''

Nasnameyê embazanê ma yê şehîdan wina yê:

Nameyê Qodî: Zîlane Botan Name û Peyname: Zîlane Guler Cayê Bîyayîşî: Colemêrg Maye-Pî: Tuli – Suleyman Tarîx û Cayê Şehadetî: 24ê Çeleyê 2025î / Heftanîn

 

Nameyê Qodî: Delale Botan Name û Peyname: Ruksene Derwêş Cayê Bîyayîşî:  Dirbesiyê Maye-Pî: Ehlam – İsmail Tarîx û Cayê Şehadetî: 24ê Çeleyê 2025î / Heftanîn

Zîlane Botan

 

 

Delale Botan