Merkezê Îrtîbat û Çapemenîye yê HPGyî nasnameyê di şehîdanê Zap eşkera kerd û nê vatî:

“1ê tebaxa 2023yî de Warê Xoverdayîşî yê Kurojahroyî yê Zapî de pêkewtişê bi artêşa tirke û bombardumano ke dima ra ame kerdene de hermrayê Mahîr û Egîd şehîd bîyî. Hemrayê ma Egîd û Mahîr ê ke xeta xoverdayîşî de gamê pîlî eştî û seba ke dewleta tirke ra hesab bipersî vera dişmenî têkoşîn kerd, bîyî mîlîtanê serkêşî yê gerîlatîya dewrê neweyî.  Ma sere de keyeyanê erjîyayeyan ê hemrayanê xo rê , heme şarê welatperwerî yê Kurdîstanî rê serweşîye wazenê û soz danê ke ma do qesasê embazanê xo yê şehîdan bîgêrê.

Nasnameyê hemrayanê ma yê şehîdan wina yê:

Hemrayê ma Mahîr Elbaxê Wanî de yeno dinya û bi kulturê kurdan beno pîl. Hema qijtîya xo de gerîlayan nas keno û tim xeyal keno ke bibo gerîla. 2013 de pîya bi di merdimanê xo verê xo dano koyanê Kurdîstanî û xeyalê xo ano ca. Hemrayê ma Mahîr wextêk warê gerîlayan ê Vakurî de maneno û peyra seba ke perwerdeyê gerîlatîye bîgêro ravîyareno Herêmanê Pawitişî yê Medya. Hemrayê ma herêma Zapî de perwerde vîneno, xeylêk waranê Zapî de gerlatîye keno û tecrubeyê xo yê verênî tîya keno peyser. Hemrayê Mahîr seranê 2016, 2017, 2018 û 2019 de panc rey birîndar beno la peyser game nêerzeno û têkoşînê xo xutêr keno û xeylêk çalakîyan de ca geno ke derbeyê gidî dîyenî dişmenî ro.

Hemrayê ma Egîd bajarê Hesekê yê Rojawanê Kurdstanî de yeno dinya û bi tradîsyonê xoverdayîşî beno pîl. Bado ke dewleta tirke Girê Sipî û Serêkaniyê îşxal kerdî bi xirsê qesasî tewrê refanê gerîlayan beno. Hemrayê ma Egîd herêma Zapî de tewrê pratîkî beno. Xeylêk waranê Zapî de tewrê çalakîyan beno û tim vernî de cayê xo geno. Seba ke qesasê embazanê xo yê şehîdan bîgêro tim bêters şino dişmenî ser. Sey namzedê fermandarîye heme berpirsîyarîyanê xo ano ca.”