Merkezê Îrtîbatî û Çapemenîye yê HPGyî eşkera kerd ke gerîla Dîcle Uzun (Jîn Ronî) Botan de şehîd bîye.

''27ê temmuza 2021î de artêşa tirke ya îşxalkere warê Meydanî yê qezaya Elkî yê Şirnexî de dest pê operasyonêkê îşxalî kerd. Dima ke helîkopteranê îşxalkeran bi giranî hêrişê embazanê ma kerdî mabênê hêzanê ma û îşxalkeran de şer qewimîya. Nê şerî de embaza ma Jîne Ronî vera artêşa tirke ya îşxalkere bi çêrî şer kerd, derbê giranî dayî dişmenî ro û şehîd bîye.

Nasnameyê embaza ma ya şehîde wina yo:

Nameyê Qodî: Jîne Ronî Name û Peyname: Dîcle Uzum Cayê Bîyayîşî: Êlih Maye-Pî: Asîye-Huseyîn Tarîx û Cayê Şehadetî: 27ê Temmuza 2021î /Botan

Embaza ma Jîne Êlih de dadîya xo ra bîya û dima keyeyê ci  tedaua dewlete ra koçê metropolanê Tirkîya kerd. Embaze Jîne tim waşt abigêra welatê xo. Aye wexto ke zanîngeh de wendêne îmkanê  dewlete red kerdî û tewra gerîlayan bîye.

A tim pê kesayetê xo yê bêmenfaat û bêhesabî bîye mîsal. Aye herêma Avaşîn de pratîk kerd, xozaya Avaşînî reyde bîye yew. Waştişê xo ser o embaze Jîne derbazê Vakurê Kurdîstanî bîye û uca de gerîlatîye kerde. Aye sey fermandarêka YJA-Starî meseleyê şarê ma hol fam kerdî. Embaze Jîne pê kesayetê xo bîye milîtanêka mîsale ya YJA-Starî.

Ma sere de keyeyê ci yê ercîyayeyî rê pêro şarê welatperwerî yê Kurdîstanî rê serweşîye wazenê. Ma soz danê ke têkoşînê xo yê azadîya cinîyan û azadîya Kurdîstanî pê serkewtişî tacîdar bikerê.''