Merkezê Îrtîbatî û Çapemenîye yê HPGyî nasnameyê gerîlayêkê şehîdî eşkera kerd. Eşkerayîye wina ya:

''Ma eşkerayîya xo ya 30ê çeleyê 2021î de dabi zanayene ke 22ê çeleyê 2021î de warê Hecî Umranî û Berdesorî pê teyarayanê şerî dîyayî bombayan ver û netîceya bombardumanî de embaz Amed Dorşîn şehîd bîyo. Nasnameyê embazê ma yê şehîdî wina yo:

Nameyê Qodî: Amed Dorşîn

Name û Peyname: Ahmed Şêxmûs

Cayê Bîyayîşî: Hesekê

Maye-Pî: Fatma-Şêxmûs

Tarîx û Cayê Şehadetî: 22ê Çeleyê 2021î / Herêmê Pawitişî yê Medya

Artêşa tirke ya îşxalkere seba ke gerîlayanê azadîye bin bikerê pêro teknîkan xebitnena, hêrişanê xo zêdînena. Serkewtişê Garê ruhê fedayî yê şehîdanê ma yê çêran mojnayî. Xora afernayoxê tewr pîlî yê nê serkewtişî şehîdê ma yê çêr ê. Embazê şehîdî xo resnenê na raştîye û sey meşaleyêka azadîye rayîrê ma û şarê ma kenê roşnî.

Embazê ma Amed warê Hesekê yê Rojawanî de dadîya xo ra bîyo. Embaz Amed wextê Şorişê Rojawanî de têgêrayîşê ma nêzdî ra şinasneno û tewrê têkoşînê şorişî beno. Embaz Amedî dima ke mîyanê karanê komelî de ca grewt seba famkerdişê fikranê Rayber Apoyî verê xo da koyanê Kurdîstanî.

Embaz Amed pê fedakarîyêka pîle koyan reyde bi yew û xîret kerd ke paradîgmaya Rayber Apoyî zêdêr fam bikera. Embaz Amed wextêkê kilmî de bi wayîrê taybetmendîyanê milîtanîya Rayber Apoyî û xo kerd gerîlayêkê rayberî. Embaz Amed tim şehîdan rê perwer bi û bawerîya xo ya bi şorişî pê kelecanêkê pîlî mojna. Bi nê hewayî embaz Amed heta nefesê xo yê peyênî nê taybetmendîyanê xo ra tawîz nêda û tewrê karwanê şehîdan bi.

Sere de keyeyê ercîyayeyî yê embaz Amedî rê ma pêro şarê Rojawanî û şarê welatperwerî yê Kurdîstanî rê serweşîye wazenê. Ma sozê xo yê seba şehîdan dibare kenê ke 'Rayberê azadî, Kurdîstanê azadî' bîyarê ca.''