Merkezê Îrtîbatî û Çapemenîye yê HPGyî bi eşkerayîyêke nasnameyê hîrê şehîdanê Bagokî eşkera kerdî. Eşkerayîye wina ya:

''4ê tebaxa 2023yî de warê Bagokî yê Mêrdînî de hêrişê dişmenî de Fermandara YJA-Starî ya serkêşe embaza ma Gulbahare û milîtanê Apogîrî embazê ma Eyleme û Dîcle şehîd bîyî. 

Nê hîrê embazê ma zî pê tewir, tewrbîyayîş û perwerîya bi felsefeya Rayber Apoyî bîyî, înan xeta PKK-PAJKî, îdeolojîya azadîya cinîyan, raştîya têgêrayîşê cinîyan kesayetê xo de neqş kerdî û serkewtiş tim kerd esas. Embazanê ma Gulbahare, Eyleme û Dîcle waranê tewr zehmetan de çîyo nemumkîn kerd mumkîn û bi na taybetmendîya xo ê bîyî nimûneyê gerîlatîya dewrê neweyî.

Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Gulbahare Mercan Name û Peyname: Şekirnaze Kaplan Cayê Bîyayîşî: Bedlîs Maye-Pî: Mîrane– Îskan Tarîx û Cayê Şehadetî: 4ê Tebaxa 2023yî / Mêrdîn

 

Nameyê Qodî: Eyleme Munzur Name û Peyname: Emîne Kaplan Cayê Bîyayîşî: Êlih Maye-Pî: Dîlbere – Cengîz Tarîx û Cayê Şehadetî: 4ê Tebaxa 2023yî / Mêrdîn

 

Nameyê Qodî: Dîcle Eylem Name û Peyname: Leyla Gulcu Cayê Bîyayîşî: Amed Maye-Pî: Aytene– Alaattîn Tarîx û Cayê Şehadetî: 4ê Tebaxa 2023yî / Mêrdîn

 

 

Embaze Gulbahare qezaya Hîzanî ya Bedlîsî de dadîya xo ra bena. A wexto ke Amed de zanîngeh de wendêne tewra xebatanê ciwanan bena û 2009 de zî zanîngehî ra tewra gerîlayan bena.  A Garê de perwerde vînena û derbazê Qendîlî bena. Embaze Gulbahare 2012 de Garzan de sey fermandare erk kena. Wextê hêrişanê DAÎŞî de a Kobanê de şer kena. Dima agêrena koyan û Akademîya Şehîde Bêrîtane de perwerde vînena. 2018 de a derbazê Heftanînî bena û Hemleya Cengê Heftanînî de serkêşîya çalakîyanê serkewteyan kena. A perwerdeyê Akademîya Mahsum Korkmazî ra dima Mêrdîn de sey fermandara herême erk kena. Embaze Gulbahare ma rê xeta xoverdayîşî ya raştikêne mojnaye. Ma soz danê ke şexsê aye de bibê layîqê pêro şehîdan.

 

Embaze Eyleme Êlih de dadîya xo ra bena la dima koçkerdişê keyeyî ra Îstanbul de bena pîl. A destpêk de tewra xebatanê ciwanan bena û 2013 de zî verê xo dana koyan. Embaza ma Eyleme cade cuya gerîlayan musena û pratîkêkê serkewteyî eşkera kena. Embaze Eyleme 2020 de derbazê Eyaletê Mêrdînî bena. Embaze Eyleme çalakîyan de serkêşîya embazanê xo kena, derbanê giranan dana dişmenî ro û ruhêkê fedayî mojnena. Ma do têkoşînê aye bi serkewtişî tacîdar bikerê.

 

Embaze Dîcle keyeyêkê çewlîgijî de Amed de dadîya xo ra bena. Embaze Dîcleya ke pîrikê ci hetê hîzbulkontrayan ra amebi şehîdkerdene, 2008 de tewra xebatanê şorişgêran bena. Embaze Dîcle 2012 de zî bi qerardarî tewra gerîlayan bena. A Qendîl de pratîk kena, 2014-2017 de Zagrosan de têkoşîn kena û 2017 de derbazê Metîna bena. Embaze Dîcle pêro erk û mesuldarîyanê xo tim bêkêmasî ana ca. A her çiqas waşt ke derbazê warê Erziromî biba îhtîyacîye ser o derbazê Mêrdînî bena û tîya de bi layiqî şer kena. Ma soz danê ke têkoşînê aye tim berz bikerê.''