HPGyî nasnameyê hîrê şehîdan eşkera kerdî û vat: ''Embazanê ma Dijwar, Kendal û Ernestoyî waranê şerî yê tewr çetinan de tim kerd ke perwerê armancanê xo bibê û heta nefesê xo yê peyênî zî înan nê tewirî ra tawîzêk zî nêda.''
Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:
''Metînaya ke tede vera dewleta tirke ya îşxalkere xeta fedayîtîye de têkoşîn yeno kerdene hêrişanê vera ci de 2yê teşrîna verêne ya 2023yî de embazê ma Dijwar Şervan, 28ê teşrîna peyêne ya 2023yî de embazê ma Kenal Cûdî û 3yê kanûna 2023yî de embazê ma Ernesto Che Guevara şehîd bîyî.
Embazanê ma Dijwar, Kendal û Ernestoyî waranê şerî yê tewr çetinan de tim kerd ke perwerê armancanê xo bibê û heta nefesê xo yê peyênî zî înan nê tewirî ra tawîzêk zî nêda. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke vîrameyîşê embazanê ma yê şehîdan xo rê bikerê rêber û têkoşînê xo pîlêr bikerê.
Nasnameyê embazanê ma yê şehîdan wina yê:
|
|
Nameyê Qodî: Dijwar Şervan Name û Peyname: Mehmet Çetin Cayê Bîyayîşî: Amed Maye-Pî: Sana – Abdulselam Tarîx û Cayê Şehadetî: 2yê Teşrîna Verêne ya 2023yî / Metîna |
|
|
Nameyê Qodî: Kendal Cûdî Name û Peyname: Rizgar Derwêş Cayê Bîyayîşî: Dirbesiyê Maye-Pî: Ferha – Bişar Tarîx û Cayê Şehadetî: 28ê Teşrîna Peyêne ya 2023yî / Metîna |
|
|
Nameyê Qodî: Ernesto Che Guevara Name û Peyname: Jiyan Bilge Cayê Bîyayîşî: Amed Maye-Pî: Qumrîye – Suleyman Tarîx û Cayê Şehadetî: 3yê Kanûna 2023yî / Metîna |
Embazê ma Dijwar Amed de dadîya xo ra beno. O hêverî xebatanê ciwanan de cagêno. Embazê ma Dijwar wextê hêrişanê DAÎŞî de bi qerardarî verê xo dano koyan û 2015 de tewrê gerîlayan beno. Embaz Dijwar Amed de perwerde vîneno û uca ra derbazê Rojawanî beno. Embaz Dijwar Rojawan de vera cerganê DAÎŞî têkoşînêkê xurtî keno.Serkewtişê Rojawanî ra dima embaz Dijwar agêreno koyanê Metîna û Akademîya Şehîd Mahîrî de perwerde vîneno. O Metîna de tewrê xeylêk çalakîyanê serkewteyan beno û derbanê giranan dano dişmenî ro.
Embazê ma Kendal Dirbesîyê de dadîya xo ra beno. Embaz Kendal bi taybetî wextê Şorişê Rojawanî de partîya ma nêzdî ra şinasneno coka 2016 de verê xo dano koyan. Embaz Kendal hêverî Garê de perwerde vîneno. Embazê ma Kendal Zap, Avaşîn û Metîna de têkşîn keno. Embazê ma Kendal xo fedakarîye ra dûrî nêgêno û seba ke xoverdayîş ser bikewo vernîya cepheyê şerî de cagêno. Embazê ma Kendal Metîna de bi coş û moralî vera dişmenî şer keno û bi nê ruhî şehîd beno.
Embazê ma Ernesto Bismilê Amedî de dadîya xo ra beno. Embazê ma Ernesto hêverî tewrê xebatanê ciwanan beno û cigêrayîşanê xo yê xorinan ra dima 2015 de tewrê gerîlayan beno. O wextêk Besta de perwerde vîneno û dima derbazê Heftanînî beno. O wextê hêrişanê DAÎŞî de Şingal de erk keno û şarê ma yê êzidîyan paweno. Embaz Ernesto dima agêreno têkoşînê koyan û Heftanîn de vera hêrişanê dewleta tirke ya qirkere şer keno. Embaz Ernesto dima Metîna de vera dişmenî têkoşîn keno û ruhê azadîye şehîd beno.''
