Merkezê Îrtîbatî û Çapemenîye yê HPGyî snameyê hîrê şehîdan eşkera kerdî.

Eşkerayîye wina ya:

''12ê êlula 2020î de hêrişê vera Herêmanê Pawitişî yê Medya de embazê ma yê milîtanê ercîyayeyî yê Apogîrî Canşêr, Demhat û Şerger şehîd bîyî. Ma înan bi rêz û minetî yad kenê.

Embazanê ma her ca vurna kelaya xoverdayîşî û rayîr nêda îşxalkeran. Ma sere de keyeyanê embazan Canşêr, Demhat û Şergerî yê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke hesreta şehîdanê xo Kurdîstanê Azadî de vîrameyîşê embazanê xo bipawê.

Nasnameyê embazanê ma yê şehîdan wina yê:

Embazê ma Canşêr qezaya Mîksî ya Wanî de dadîya xo ra beno. O hêverî xebatanê ciwanan de cagêno û dima 2014 de tewrê gerîlayan beno. O Herêmanê Pawitişî yê Medya de perwerde vîneno. O her ke şino xo aver beno û pêro erk û mesuldarîyanê xo bêkêmasî ano ca. O bi kesayetê fedakarî têgêreno û nê esasî ser o şehîd beno. Ma soz danê ke têkoşînê ey bi serkewtişî tacîdar bikerê.

Embazê ma Demhat Amed de dadîya xo ra beno. O tim keweno cigêrayîşan pey û Xoverdayîşê Xoîdarekerdişî ra dima bi qerardarî 2015 de verê xo dano koyan. O Herêmanê Pawitişî yê Medya de perwerdeyan ra dima zî tim xo aver beno. Embazê ma bala xo dano averberdişê taktîkanê neweyan ser û xebatanê pratîkekerdişî de cagêno. Ma soz danê ke xeyalanê ey Kurdîstanê Azadî de bîyarê ca.

Embazê ma Şerger Amed de dadîya xo ra beno. O hêverî tewrê xebatanê ciwanan beno û bi qerardarî 2017 de tewrê gerîlayan beno. Embazê ma cade adapteyê gerîlayan beno û bi mesuldarî pêro erkanê xo ano ca. O tim bi tewirê milîtanê Apogîrî têgêreno. O Herêmanê Pawitişî yê Medya de têkoşînê xo resneno leweyî û hêrişê dişmenî de tewrê karwanê şehîdan beno. Ma soz danê ke têkoşînê ey ser bivisnê.''