Merkezê Îrtîbatî û Çapemenîye yê HPGyî bi eşkerayîyêka nuştîye da pêhesneyene ke Îdir de 4 gerîlayî şehîd bîyî û derheqê înan nê pare kerdî:

''7ê hezîrane de hêzê ma warê Kirê Sorî yê qezaya Başanî ya Îdirî de raştê yewîyayanê dişmenî ameyî û pêkewtişan dest pêkerd. Hêzanê ma darbeyê girdî dayî dişmenî ro. Roja bîne artêşa tirke herême de dest pê operasyonêk kerd û heta saetanê şewe pêkewtişan dewam kerd. Nê pêkewtişan de 4 embazê ma yê ke bi hawayêkê qehremankî vera yewîyanê dişmenî şer kerd şehîd bîyî. Nasnameyê embazanê ma yê şehîdan wîna yê:

Nameyê Qodî: Hejar Agîrî Name û Peyname: Vahît Çur Cayê bîyayîşî: Agirî Maye-Pî: Necla – Bedîrhan Tarîx û Cayê Şehadetî: 8ê Hezîrane 2020 / Îdir

Nameyê Qodî: Mazlûm Serhat Name û Peyname: Seyhan Taş Cayê bîyayîşî: Wan Maye-Pî: Nedîme – Suleyman Tarîx û Cayê Şehadetî: 8ê Hezîrane 2020 / Îdir

Nameyê Qodî: Sarîna Şervan Name û Peyname: Mehnaz Hasan Xelefo Cayê bîyayîşî: Maku Maye-Pî: Zeynep – Hasan Tarîx û Cayê Şehadetî: 8ê Hezîrane 2020 / Îdir

Nameyê Qodî: Serhat Umut Name û Peyname: Onur Yoruklu Cayê bîyayîşî: Îstanbul Maye-Pî: Latîfe – Alî Saît Tarîx û Cayê Şehadetî: 8ê Hezîrane 2020 / Îdir

Hemrayê ma Hejar, Mazlûm, Sarîna û Şerhat herêmanê cîyayan ê Kurdîstanî ra raştê eynî zulmî ameyî û vera polîtîkaya asîmîlasyon û qirkerdişî  tewrê sefanê PKKyî bîyî. Her çar embazanê ma zî bi felsefeya Rayber Apoyî xo perwerde kerd  û semedê azadkerdişê şarê xo têkoşîn kerd. Hemrayanê ma Hejar, Mazlûm, Sarîna û Şerhatî vera hêrişê dewleta tirke ke pê pêroyê îmkananê dewlete yeno kerdene ke gerîlayan biqedînê û şarê kurdî qir bikerê xoverdayîşêko destankî da û tewrê kerwanê şehîdan bîyî.

Ma sere de keyeyanê erjîyayeyan ê embazanê xo yê şehîdan heme şarê welatperwerî yê Kurdîstanî rê serweşîye wazenê û soz danê ke ma do pê serkewtişê têkoşînê xo şehîdanê xo timûtim bidê ciwîyayene.''