Merkezê Îrtîbatî û Çapemenîye yê HPGyî derheqê 4 gerîlayanê ke Heftanîn de şehîd bîyî eşkerayîye daye û nê vatî:

''29ê teşrîna verên a 2024î de herêma Heftanînî de fermandara ma ya fedayîya Apoyî  Axîne Cûdî û hemrayê ma Dîlovan, Zozane û Avzeme hêrişê dişmenî de şehîd bîyî. Ma hemrayanê xo bi hurmet û mînet yad kenê û soz danê ke ma do waştişanê înan bîyarê ca.

Hemraya ma Axîna ke fermandarîya tîmî ra heta fermandarîya eyaletî her warê têkoşînî de waşt bi keda xo aver şiro her warê ke tede wezîfe girewt, mîsyonê serkêşîya YJA Starî bi serkewtişî ard ca. Hemrayê ma Dîlovan  sey mîlîtanê Apoyî warê têkoşînî de tim bi kede û fedakarîya xo vejîya vernî. Hemraya ma Zozana ke bado ke waya ci Sema Marînos-Vahide Kurt tewrê refane gerîlayan bîyî,  verê xo koyanê Kurdîstanî xeylê waran de bi hewayêkê fedakarî têkoşîn kerd û bîye mîlîtanêka serkewtîye ya partîya ma. Hemraya ma Avzema ke Şirnexî ra tewrê refanê gerîlayan bîye bi averberdişê têkoşînê cinîya azade bîye gerîlaya nimûne ya YJA Starî.

Ma sey hemrayanê înan keyeyanê erjîyayeyan ê hemrayanê xo Axîne, Dîlovan, Zozane û Avzeme rê û heme şarê welatperwerî yê Kurdîstanî rê serweşîye wazenê. Ma soz danê ke ma do beyraqa şorişî ke şehîdanê ma dewre ma kerde, biresnê serkewtişî.

Nasnameyê hemrayanê ma yê şehîdan wina yê:

Nameyê Qodî: Axîne Cûdî Name û Peyname: Halime Kaya Cayê Bîyayîşî: Şirnex Maye-Pî: Besna – Mahmut Tarîx û Cayê Şehadetî: 29ê Teşrîna Verên a 2024î/ Heftanîn

 

Nameyê Qodî: Dilovan Avzem Name û Peyname: Mehmet İnan Mintaş Cayê Bîyayîşî: Amed Maye-Pî: Halime – Adil Tarîx û Cayê Şehadetî: 29ê Teşrîna Verên a 2024î/ Heftanîn

 

Nameyê Qodî: Zozane Rûken Name û Peyname: Çigdeme Kurt Cayê Bîyayîşî: Colemêrg Maye-Pî: Feyruze – Suleyman Tarîx û Cayê Şehadetî: 29ê Teşrîna Verên a 2024î/ Heftanîn

 

Nameyê Qodî: Avzeme Cûdî Name û Peyname: Azime Kabul Cayê Bîyayîşî:  Şirnex Maye-Pî: Feyruz – Şehmus Tarîx û Cayê Şehadetî: 29ê Teşrîna Verên a 2024î/ Heftanîn

Axîne Cûdî

 

 

Dilovan Avzem

Zozane Rûken

Avzeme Cûdî