Merkezê Îrtîbatî û Çapemenîye yê HPGyî bi eşkerayîyêke da eşnawitene ke par aşma teşrîna verêne de yew gerîla Eyaletê Serhadî de şehîd kewt nê parê kerdî:

''Embazê ma Eriş (Musa Firat Guven) o ke 21ê teşrîna verêna 2019î de Eyaletê Serhadî de wezîfeyê xo ser o bi rayîr de raştê pûkî ameyo û bi misiyelbîyayîşî şehîd kewto. Embazê ma yo ke şehîd bîyo zanayîşê nasnameyê ci wina yê:

Nameyê Qodî: Eriş Avent Pasin Name û Peyname: Musa Firat Guven Cayê Bîyayîşî: Erzirom Maye-Pî: Nurcane - Şanver Tarîx û Cayê Şehadetî: 9ê Teşrîna Verêne 2019 / Serhad

Hemrayê ma Erişo ke 1994 de Erzirom de keyeyêko  welatperwer de ameyo dinya xîyalê domanîye xo ardî ca û verê xo da koyanê Kurdîstanî. Hemrayê ma Erdiş roja tewrbîyayîşê gerîlayan ra xo bi felsefeyê Rayberîye aver berd û bi mîlîtanêko rayber. Hemrayê ma Erdişo ke waşt ke cayo ke derbeya verêne werde yanî cayo ke raştê asîmîlasyonî ame ke raştîya ci ra bêro qerfnayene de vera dişmenî şer bikero verê xo da herêma Serhadî û heta hela peyêne ya nefesê xo heme wazîfeyê xo bi serkewtiş ardî ca.

Sere de keyeyê şehîdanê ma yê erjayeyan ma heme şarê Kurdîstanî rê seweşîye wazenê û soz danê ke do têkoşînê şehîdanê xo  biresnê sewkewtişî.''