Merkezê Îrtîbatî û Çapemenîye yê HPGyî nasnameyê şehîdêkê Besta eşkera kerd. Eşkerayîye wina ya:

''12ê temmuza 2023yî de herêma Besta ya Botanî de hêrişê dişmenî de embazê ma yo ercîyaye Rizgar Îdexî şehîd bi. Ewladê Zagrosan o qehreman, milîtanê ma yo serkêş embazê ma Rizgar bi îdîayêka pîle, bi qerardarî û bi hişmendîya layîqbîyayîşê xeta şehîdan têgêra. O Botan de bi milîtanîya xo ra nîmune bi gerîlayêko Apogîr. Embazê ma Kêla Memê û Besta de derbê giranî dayî dişmenî ro. 

Ma sere de keyeyê ey ê ercîyayeyî rê pêro şarê Kurdîstanî yê welatperwerî rê serweşîye wazenê. Ma soz danê ke şexsê embaz Rizgarî de vîrameyîşanê pêro şehîdanê ma mîyanê têkoşînê xo de bidê pawitene.''

Nasnameyê embazê ma yê şehîdî wina yo:

Embazê ma Rizgar Colemêrg de dadîya xo ra beno. Embazê ma Rizgar hema domanîya xo de gerîlayan şinasneno. O wexto beno ciwan zî, 2013 de pa di merdimanê xo Kato de tewrê gerîlayan beno. O wextêk Botan de gerîlatîye keno. O Herêmanê Pawitişî yê Medya de perwerde vîneno, dima derbazê Vakurê Kurdîstanî beno. 

Embazê ma Rizgar Dibistana Şehîd Mehmet Goyî de zî perwerde vîneno û dima derbazê warê Gostê yê Xakurkê beno. 2015 ra dima embaz Rizgar bi hawayêkê aktîfî çalakîyan de cagêno. O tim keno ke xo aver bero. 2018 de Kêla Memê de wezîfe gêno. Tîya de embaz Rizgar derbanê giranan dano dişmenî ro. Embaz Rizgar tîya ra derbazê Besta beno û bêmabên têkoşînî rê dewam keno. O heta nefesê xo yê peyênî bi hawayêkê serkewteyî têgêreno û beno şehîd.''