Merkezê Îrtîbatî û Çapemenîye yê HPGyî bi eşkerayîyêke da zanayene ke gerîlaya YJA-Starî Rojda Mahîr şehîd bîya. Eşkerayîye wina ya:

''Embaza ma Rojda Mahîr gulana 2023yî de Herêmanê Pawitişî yê Medya de netîceya hêrişê dişmenî de şehîd bîye.

Gerîlayê azadîye yê Kurdîstanî ewro seba şaranê Rojhelatê Mîyanênî hêvîyê azadîye yê. Bêguman ma nê têkoşînî de deyndarê şehîdanê xo yê qehremanan ê. Netîceya fedakarî û qehremanîyanê şehîdan de têgêrayîşê ma ewro bîyo serkêş. Embaza ma Rojda bi tewirê xo yê qerardar û bawermendî seba averşîyayîşê têkoşînê ma kedê pîlî dayî û bi nê hawayî bîye milîtanêka YJA-Starî ya serkêşe. Aye pêro waranê têkoşînî de xeta cinîya azade arde ca û pawite. Embaza ma Rojda bi nê hawayî rolê xo yê serkêşî zî bi layîqî ard ca.

Ma sere de keyeyê aye yê ercîyayeyî rê, pêro şarê Kurdîstanî yê welatperwerî rê serweşîye wazenê.  

Nasnameyê embaza ma Rojda Mahîr wina yo:

Embaza ma Rojda şaristanê xoverdayoxî de Efrîn de dadîya xo ra bena. Keyeyê embaze Rojda yê welatperwerî serranê 1980an de têgêrayîşê azadîye şinasna û perwerê ci bi. Hêverî kekê embaze Rojda embaz Xalîd 1992 de tewrê gerîlayan bi. Embaze Rojda zî ciwanîya xo de tewra xebatan bena û Şorişê Rojawanî ra dima 2011 de zî tewra gerîlayan bena.

Embaze Rojda cade xo aver bena û bena milîtanêka PAJKî ya serkewte. A wextê hêrişanê DAÎŞî de Şingal de têkoşîn kena. Azadkerdişê Şingalî ra dima zî embaza ma Rojda cinîyanê Şingalî perwerde kena û xebatanê komelkîyan de erk kena. 

Embaze Rojda dima verê xo dana Herêmanê Pawitişî yê Medya. Embaza ma Rojda pê kesayet û milîtanîya xo bena mazhara heskerdiş û hûrmetê embazanê xo. A perwerîya Rayber Apoyî xo rê kena esas û tim xeta PAJKî temsîl kena. Ma soz danê ke vîrameyîşê embaze Rojda mîyanê têkoşînê xo de bipawê.''