Merkezê Îrtîbatî û Çapemenîye yê HPGyî nasnameyê şehîdêka Amedî eşkera kerd. Eşkerayîye wina ya:

''Ma eşkerayîya xo ya 10ê hezîrana 2023yî de dabi eşnawitene ke herêma Licê ya Amedî de 3yê hezîrana 2023yî de pêkewtişanê vera artêşa tirke ya îşxalkere de embazê ma Zîne Amed û Mahsum Herekol şehîd bîyê û ma do nasnameyê embazêka xo ya şehîde zî ma dima eşkera bikerê. Ame qetîkerdene ke embaza ma Ala Munzur Dêman vera artêşa tirke ya qirkere û kolonyalîste heta nefesê xo yê peyênî bi qehremanî û ruhê fedayî şer kerd û şehîd bîye.

Ma sere de keyeyê embaze Ala yê ercîyayeyî rê, pêro şarê Kurdîstanî û Kobanê yê welatperwerî rê serweşîye wazenê. Ma soz danê ke bibê teqîbkerdoxê şehîdanê xo, armancanê înan bîyarê ca û vîrameyîşê înan Kurdîstanê Azadî û Rayberîya Azade de bipawê.

Nasnameyê embaza ma Ala wina yo:

Embaza ma Ala Kobanê de dadîya xo ra bena. Embaza ma Ala bi kulturê welatperwerî bena pîl û a binê tesîrê dokumenterê Bêrîtane de manena. Embaze Ala 2008 de tewra gerîlayan bena. A Herêmanê Pawitişî yê Medya de perwerdeyê gerîlatîye gêna û wextêka kilmî de bena milîtanêka serkewte ya YJA-Starî.

Embaze Ala 2010 û 2012 de perwerdeyanê îdeolojîk û leşkerîyan gêna û bena profesyonele. Embaze Ala qetî têkoşînî ra tawîz nêdana û bi hawayêkê bêmabênî xo ver dana. A her warî de serkêşîye kena. Embaze Ala dima verê xo dana Vakurê Kurdîstanî û Eyaletê Amedî de wezîfe gêna. Embaze Ala bi tewir û cesaretê xo embazanê xo rê bena nimûne.

Embaza ma Ala 3yê hezîrane de Licê de warê Şehîd Ferhatî de hêrişê dişmenî de pa embazanê xo Zîne û Herekolî şehîd bena.''