Merkezê Îrtîbatî û Çapemenîye yê HPGyî bi eşkerayîyêke da zanayene ke gerîla Welate Arjîn Tolhildan 8ê kanûne de hêrişê artêşa tirke ya îşxalkere de şehîd bîya. Eşkerayîye wina ya:

''8ê kanûna 2023yî dde herêma Metîna de hêrişê dişmenî de milîtana Apogîre embaza ma ya ercîyaye Welate Arjîn Tolhildan şehîd bîye. Embaza ma Welate bi perwerîya xo ya seba erjanê azadîye pêro embazanê xo rê bîye milîtanêka PAJKî ya nimûne. Aye tim kerd ke têkoşînê xo aver bera û azadîya Rayber Apoyî bîyara ca. Embaza ma Welate bi tewirê xo yê bêteredutî yê xeta cinîyan û cuya xo ya sade zerrîya pêro embazan de text rona.

Ma sere de keyeyê ci yê ercîyayeyî rê pêro şarê Kurdîstanî yê welatperwerî rê serweşîye wazenê. Ma şexsê embaze Welate de ancî soz danê pêro şehîdanê xo ke Rayberîya Azade û Kurdîstanê Azadî bîyarê ca.

Nasnameyê embaza ma ya şehîde wina yo:

Welate Arjîn Tolhildan – Emîne Ekmez

Embaza ma Welate qezaya Bismilî ya Amedî de dadîya xo ra bena. A domanîya xo ra nata gerîlayan ra hes kena û xeyalê gerîlatîye kena. Embaza ma Welate zanîngeh de tewra xebatanê ciwanan bena û xo aver bena. Embaze Welate wextê xoverdayîşê xoîdarekerdişan de pê kerdişanê dewleta tirke hêrs bena û dima ke zanîngehî zî qedînena 2016 de tewra gerîlayan bena.

A wextêk Amed de erk kena û dima derbazê Herêmanê Pawitişî yê Medya bena. Embaze Welate bi perwerdeyan xo aver bena. A bena gerîlayêka YJA-Starî ya marîfetîne. Embaze Welate bi taybetî 2021 de vera hêrişanê dişmenî rolêkê aktîfî gêna xo ser, derbanê giranan dana dişmenî ro û kedanê pîlan dana. A Metîna de serkêşîya çalakîyanê serkewteyan kena û heta şehadetê xo zî têkoşînê xo ra fek vera nêdana.''