Merkezê Îrtîbatî û Çapemenîye yê HPGyî bi eşkerayîyêke gerîla Dîlane Cizîra ke 27ê kanûna 2017î de hêrişê dewleta tirke de şehîd bibî yad kerde. Eşkerayîye wina ya:

''27ê kanûna 2017î de hêrişê dişmenî yê vera Herêmanê Pawitişî yê Medya de cinîya Cizîra Botanî ya çêre û eşiqa azadîye embaza ma Dîlane Cizîr şehîd bîye.

Embaze Dîlane her nefesê xo de, her patîka de û her embaza/ê xo de azadîye reyde ciwîyaye. Ma serrgêra şehadetê ci de embaza ma Dîlane bi rêz û minetî yad kenê. Ma soz danê ke têkoşînê aye biresnê serfîrazîye. Ma sere de keyeyê ci yê ercîyayeyî rê pêro şarê Cizîra Botanî û Kurdîstanî yê welatperwerî rê serweşîye wazenê.

Nasnameyê embaza ma Dîlane Cizîr wina ya:

Dîlan Cizîr – Dilek Yıldız

Embaza ma Dîlane dewa Heblerî ya Cizîra Botanî de dadîya xo ra bena. A hema domanîya xo de gerîlayan şinasnena û rîyê dişmenî vînena. Embaza ma Dîlane 2010 de bi hawayêkê aktîfî tewra xebatanê ciwanan û milîtanîye bena. A sere de Sêrt û Mêrdîn xeylêk cayan de xebatan kena.  A 2012 de tepişîyena û serrêke zîndan de manena. Dima ke zîndanî ra vejîyena zî 2015 de tewra Xoverdayîşê Xoîdarekerdişî bena. 

Embaza ma Dîlane dima verê xo dana koyan û bena gerîla. A cade adapteyê cuya koyan bena û xo bi perwerdeyan aver bena. Embaze Dîlane sey milîtanêka YJA-Starî ya xurte binê fermandarîya embaza ma Şehîde Armanc Coşkar de têkoşînêkê xurtî kena. Embaza ma Dîlane pêro cuya xo ya têkoşînî de bena layîqa xeta azadîya cinîyan a PAJKî û perwera erjanê şehîdan bena. Ma soz danê ke xeyala embaze Dîlane Rayberîya Azade û Kurdîstanê Azadî bîyarê ca.''