Merkezê Îrtîbatî û Çapemenîye yê HPGyî da zanayene ke gerîla Bêrîtane Tanya Fecîr 12ê temmuza 2023yî de Besta de şehîd bîya. Eşkerayîye wina ya:

''12ê temmuza 2023yî de herêma Besta de hêrişanê dişmenî de embaza ma Doktore Bêrîtane şehîd bîyî. 

Embaza ma Bêrîtane xeylêk waranê Botanî de ge sey doktorêke ge zî sey milîtanêke xebitîyaye. Embaza ma Bêrîtane Tanya bi cuya xo ya nefsqije û embazîya xo ya xurte têkoşînê azadîye de rêçêko mende verda.

Ma sere de keyeyê ci yê ercîyayeyî rê pêro şarê Kurdîstanî yê welatperwerî rê serweşîye wazenê. Ma soz danê ke mîrasê ci yê têkoşînî bi ferasetê layîqbîyayîşê şehîdan ser bivisnê.

Nasnameyê embaza ma Bêrîtane Tanya wina yo:

Bêrîtane Tanya Fecir – Selma Şavlig

Embaza ma Bêrîtane mîyanê keyeyêkê bedlîsijî de Îstanbul de dadîya xo ra bena la rixmê ney zî qetî kokanê xo ra cîya nêbena. A hêverî xebatanê ciwanan de cagêna. Embaze Bêrîtane 2018 de zî tewra gerîlayan bena. Embaze Bêrîtane perwerdeyan ra dima bena doktore Bêrîvane. A bi serran Cîlo, Zap, Xakurkê û Xinêre de doktorîye û gerîlatîye kena. A bi xebatanê xo bena milîtanêka Apogîre ya nimûne.

Embaze Bêrîtane 2018 de derbazê Botanî bena. A vera hêrişanê dişmenî cepheyê tewr vernî de cagêna. Atim kena ke xoverdayîş û têkoşînî pîlêr bikera. Embaza ma Bêritane heta şehadetê xo mîyanê şertanê tewr zehmetan de zî verê embazanê xo de erkê xo ana ca.''