HPGyî nasnameyê şehîdêke eşkera kerd
HPGyî da zanayene ke gerîla Amara Ekîne Can netîceya qezayêkî de Herêmanê Pawitişî yê Medya de şehîd bîya û keye û şarê Kurdîstanî yê welatperwerî rê serweşîye waşte.
Merkezê Îrtîbatî û Çapemenîye yê HPGyî nasnameyê şehîdêke eşkera kerd. Eşkerayîye wina ya:
''26ê teşrîna verêne ya 2023yî de Herêmanê Pawitişî yê Medya de embaza ma Amara Ekîne Cerene netîceya qezayêkî de şehîd bîye.
Embaza ma Amara xeta azadîya cinîyan de xo aver berd, felsefeya cinîya azade ya Rayber Apoyî xo rê kerde terzê cuye û bi nê hawayî zî bîye milîtanêka PAJKî ya nimûne. Ma sere de keyeyê aye yê ercîyayeyî rê pêro şarê Kurdîstanî yê welatperwerî rê serweşîye wazenê. Ma soz danê ke têkoşînê embaza ma Amara bi serkewtişî tacîdar bikerê.
Nasnameyê embaza ma Amara wina yo:
|
|
Nameyê Qodî: Amara Ekîn Ceren Name û Peyname: Ajda Çetin Cayê Bîyayîşî: Mûş Maye-Pî: Muhsine – Hakî Tarîx û Cayê Şehadetî: 26ê Teşrîna Verêne ya 2023yî / Herêmê Pawitişî yê Medya |
Embaza ma Amara qezaya Kopî ya Mûşî de dadîya xo ra bena. Embaza ma Amara hema domanîya xo de partîya ma şinasnena û sempatîzana ci bena. Embaza ma Amara cigêrayîşan ra pey merdimanê xo Sorxwîne Şiyar–Îsteke Çetin, Sara Bêrîtan–Zeynepe Çetin û Jînda Poyraz–Hevese Çelik reyde gulana 2014î de Erziromî ra tewra gerîlayan bena.
Embaze Amara Amed de perwerde vînena. Embaze Amara cade bena gerîlayêka marîfetîne. Embaze Amara 2017 de derbazê herêma Erziromî bena û tîya de zî di serran erk kena. Dima ke merdimê aye Sorxwîne Şiyar–Îsteke Çetin, Sara Bêrîtan–Zeynepe Çetin û Jînda Poyraz–Hevese Çelik şehîd benê embaze Amara seba ke wayîra mîrasê înan vejîya têkoşînê xo pîlêr kena. Embaze Amara 2018 de bena birîndar û hem seba perwerde hem zî seba tedawî derbazê Herêmanê Pawitişî yê Medya bena. A Akademîya Şehîde Berîtane de perwerde vînena.
Embaza ma Amara netîceyêka qezayî de şehîd bena. Ma sey embazanê ci zaf kewtî verê şehadetê aye. La mîrasê têkoşînî yê embaze Amara do tim vernîya ma roşnî bikero.''
