Merkezê Îrtîbatî û Çapemenîye yê HPGyî nasnameyê gerîlayêka şehîde bîye eşkera kerd û nê vatî:

“Hemraya Ma Vîyane Helo 21ê nîsane ya 2024î de herêma Qendîlî de şehîde bîye. Cinîya qehremane ya ke Rojhelatê Kurdîstanî ra bî sey mîlatana Apoyîye refanê gerîlayan de têkoşîn kerd û berpirsîyarîya xo ya tarîxî arde ca. Hemraya ma Vîyane Hole nasnameyê mîlîtanîya PAJKî sereberz kirişt û xeta cinîya azade de tewiro zelal mojna ra û cewabo tewr raşt da sîstemê camerd serdestî.

Ma sey hemrayanê ci sere de keyeyê hemraya xo Vîyane Helo heme şarê Rojhaletê Kurdîstanî rê serweşîye wazenê û soz danê ke ma do waştişê Kurdîstanê azadî yê hemraya xo ya Vîyane bîyarê ca.

Nasnameyê hemraya ma Vîyane Helo wina yo:

Hemraya ma Vîyane keyeyêkê welatperwerî yê bajarê Kamyaranî yê Rojhelatê Kurdîstanî de yena dinya û bi kulturê welatperwerîye bena pîl. Hema domanîya xo ra PKKyî nas kena, wextê unîversîte de felsefeya Rayber Apoyî musena û partîya ma rê tim eleqaya ci zafêr bena. Waya ci hemrayama Helo zî tewrê refanê gerîlayan bena û şehîde bena. No zî hemraya ma  Vîyane ser û zaf tesîr keno. Hemraya ma Vîyane serrgêra ronayîşê partîya ma PKKyî de 27ê kanûna peyêne ya 2015î de verê xo danê koyanê Kurdîstanî û herêma Qendîlî de tewrê refanê gerîlayan bena. Perwerdeyê xo yê verênî Qendîlî de vînena, serrêke tîya de xebate rayra bena û bena gerîlayêka serkewtîye ya YJA Starî.

Hemraya ma Vîyane dima ra tewrê xebatanê Komalên Ciwanî bena û xeylêk wext na xebate rayra bena. Bado ke hêrişê artêşa tirke ya îşxalkerî zêdîyayî a wazena tewrê refanê HPG û YJA Starî bibo ke cewabê îşxalkeran bido la seba ke hewcedarîye est a warê Qendîlî de manena. Hemraya Vîyane 21ê nîsana 2024î de Qendîl de tewrê kerwanê şehîdan bena. Ma do hemraya xo Vîyane çirey xo vîra mekerê û bi xurtkerdişê têkoşînî waştişê şehîdanê xo bîyarê ca.”