HPGyî nasnameyê şehîdêke eşkera kerd
HPGyî pare kerd ke gerîlaya YJA-Starî Ezda Îsyan şehîd bîya û vat: ''Embaza ma bi fedakarî û kedkarîya xo kerd ke gerîlatîya esase bikera.''
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê şehîdêke eşkera kerd. Eşkerayîye wina ya:
''Ewlada şarê ma yê Wanî, milîtana YJA-Starî ya ercîyaye embaza ma Ezda Îsyan çeleyê 2024î de Botan de şehîd bîye.
Embaza ma bi fedakarî û kedkarîya xo kerd ke gerîlatîya esase bikera. Ma sere de keyeyê aye rê, pêro eşîra Êzdînan û şarê Kurdîstanî yê welatperwerî rê serweşîye wazenê. Sey embazanê aye ma soz danê ke xeyalê embaze Ezda Rayberîya Azade û Kurdîstanê Azadî bîyarê ca.
Nasnameyê embaza ma Ezda wina yo:
|
|
Nameyê Qodî: Ezda Îsyan Name û Peyname: Gewrê Semo Cayê Bîyayîşî: Wan Maye-Pî: Behîcane – Şefîk Tarîx û Cayê Şehadetî: Çeleyê 2014î / Botan |
Embaza ma Ezda qezaya Şaxî ya Wanî de dadîya xo ra bena. Embaza ma Ezda 2012 de wextê şerê giranî de wazena tewra gerîlayan biba la nêeşkena. A dima 2014 de Şaxî ra tewra gerîlayan bena.
A Kato Jîrka de perwerdeyê verênî gêna. Embaza ma 2015 de Botan de vera hêrişanê dişmenî bi aktîfî têgêrena. A 2017 de Kato Jîrka de vera operasyonanê dişmenî bi xurtî têkoşîn kena. A 2 mengan embazanê xo reyde binê ablûqaya dişmenî de manena la rixmê serd û vewre zî xo ver dana. A dima Herêmanê Pawitişî yê Medya de perwerde gêna. A Fermandarîya Qerargehê Merkezî ya YJA-Starî de xebatan kena û pêro erkanê xo bi layîqî ana ca.
A dima ancî verê xo dana Botanî. Embaza ma Ezda bi tecrubeyanê xo têkoşînê xo aver bena. Embaza ma bi kesayetê xo yê durist û nefsqijî bena mazhara heskerdişê embazanê xo. Embaza ma Ezda tarîxê têkoşînê azadîye de cayê xo gêna.''
