Merkezê Îrtîbatî û Çapemenîye yê HPGyî nasnameyê şehîd Çekdar Ebexî eşkera kerd. Eşkerayîye wina ya:

''Ma eşkerayîya xo ya 13ê êlula 2023yî de dabi eşnawitene ke warê Milazgîrî yê Mûşî de hêrişê dişmenî de embazê ma Zinar dima ke birîndar bîyo seba ke nêkewo destê dişmenî ver ni şehadetî şîyo. Ame qetîkerdene ke nê operasyonî de embaz Zinarî reyde embazê ma Çekdar zî şehîd bîyo.

Embazê ma Çekdar bi fedakarîya xo ya bêpeynîye û xîretê xo yê berzî bi milîtanêko serkêş. Ma sere de keyeyê ey ê ercîyayeyî rê pêro şarê Kurdîstanî yê welatperwerî rê serweşîye wazenê.

Nasnameyê embaz Çekdarî wina yo:

Embazê ma Çekdar qezaya Ebexî ya Wanî de keyeyêkê welatperwerî de dadîya xo ra beno. Embazê ma Çekdar dima ke dormeyê ci ra xeylêk kesî tewrê gerîlayan bi 15ê tebaxa 2011î de Cîloyî ra verê xo dano koyan. O warê Avaşînî de perwerde gêno û xo cade aver beno.

Embazê ma Çekdar bi taybetî binê tesîrê embazîya gerîlayan û cuya gerîlayan de maneno. Embaz Çekdar 2012 de Avaşîn de bi aktîfî têgêreno û 2014 de derbazê Vakurê Kurdîstanî beno. Embaz Çekdar waranê Mûş û Erziromî de gerîlatîye keno û çarçewa Şerê Şarî yê Şorişgêrî de xeylêk çalakîyanê serkewteyan de cagêno. Embaz Çekdar têkoşînê xo de zerrîya dişmenî de tersêkê pîlî virazeno. Embaz Çekdar 27ê teşrîna peyêne ya 2018î de Milazgîr de hêrişê dişmenî de şehîd beno. Ma soz danê ke mîrasê ey ê têkoşînî bi layîqî bîyarê ca.''