Merkezê Îrtîbatî û Çapemenîye yê HPGyî nasnameyê şehîdêkî eşkera kerd. Eşkerayîye wina ya:

''Vera dewleta tirke ya îşxalkere şeranê tewr çetinana ra yew zî 2018 de ame kerdene. Dewleta kolonyalîste pê pêro îmkananê xo kerd ke têgêrayîşê ma tasfîye bikera û waştişê azadîye yê şarê ma çin bikera. Gerîlayan vera ney bi xoverdayîşî cewab da. Nê xoverdayîşî de derbê giranî dîyayî artêşa tirke ya îşxalkere ro û gerîlayan reyna îsbat kerd ke ê do bin nêkewê.

Embazê ma Welat Asêyo ke Antalya de erkê xo kerdêne nê xoverdayîşî de sey milîtanêkê serkêşî erk û mesuldarîyê xo ardî ca. Embazê ma pêkewtişanê vera dişmenî de bi qehremanî xo ver da û şehîd bi. 

Ma sere de keyeyê ey ê ercîyayeyî rê pêro şarê Kurdîstanî yê welatperwerî rê serweşîye wazenê. Ma şexsê embaz Welatî de soz danê pêro şehîdan ke rayraşîyayîşê 'Rayberîya Azade, Kurdîstanê Azadî' bi serkewtişî tacîdar bikerê.

Nasnameyê embaz Welat Asêyî wina yo:

Embazê ma Welat qezaya Kopî ya Mûşî de dadîya xo ra beno. Embaz Welato ke YÎBOyan de maneno, şahidê polîtîkayanê dewleta tirke beno. Embaz Welat vera nînan rêçê xeyalanê xo yê domanîye de tewrê gerîlayan beno. O perwerdeyanê xo bi serkewtişî temam keno û bi coşî tewrê têkoşînî beno. Embaz Welat tim keno ke bibo layîqê şehîdan û Rayber Apoyî.

Embazê ma Welat vera dişmenî bi hêrsî têkoşîn keno û şer de cepheyê tewr vernîyî de cagêno. Embaz Welat pêro erk û mesuldarîyanê xo bêkêmasî ano ca. O şer de derbanê giranan dano dişmenî ro. Embazê ma Welat 28ê êlula 2018î de Antalya de hêrişê dişmenî de bi terzê fedayî şer keno û heta nefesê xo yê peyênî xeta Zîlane keno esas. Vîrameyîşê embazê ma Welat do tim verê ma roşnî bikero û mîrasê ey ê têkoşînî qetî bi serfîrazî bêro tacîdarkerdene.''