Merkezê Îrtîbatî û Çapemenîye yê HPGyî nasnameyê şehîdêkê Botanî eşkera kerd. Eşkerayîye wina ya:

''25ê teşrîna verêne ya 2017î de embazê ma Brûsk Timoqî warê Deriyê Qaçê yê herêma Besta de wexto ke pa komêka embazan serê erkê xo de bi netîceya hêrişê dişmenî de şehîd bi. Ma serrgêra şehadetê ci de embaz Brûskî bi rêzî yad kenê.

Vîrameyîş, xîretê têkoşînî, cesaret û qerardarîya embaz Brûskî do embazanê ci rê tim bibê nîmune. Ma sere de keyeyê ci yê ercîyayeyî rê pêro şarê Kurdîstanî û Timoqîyî yê welatperwerî rê serweşîye wazenê.

Nasnameyê embazê ma Brûsk Timoqîyî wina yo:

Embaz Brûsk qezaya Timoqî ya Êlihî de dadîya xo ra beno. Embaz Brûsk hema ke doman bi rîyê dişmenî yê raştikênî şinasneno. Şehadetê dezayê xo ra dima zî cigêrayîşanê xo zêdîneno. Komployê Mîyanneteweyî yê 1999î ra dima embaz Brûsk bi qerardarî verê xo dano koyan, beno gerîla.

O Kelareş de gerîlatîye pratîze keno, perwerdeyan gêno. Dima di serran zî Qendîl de perwerde gêno û têkoşîn keno. Embaz Brûsk 2005 de Vakur de Colemêrg de gerîlatîye keno. Dima o Akademîya Hakî Karerî de perwerde vîneno û herêmanê Zap, Garê û Xakurkê de şer keno. O Xakurkê de fermandarîya taburî keno û derbanê giranan dano dişmenî ro.

Embaz Brûsk 2015 de Dibistana Merkezî ya Partîye ya Mazlûm Doganî de perwerde gêno. O wextê xoverdayîşê xoîdarekerdişî de verê xo dano Botanî û fermandarîya xoverdayîşê xoîdarekerdişî yê Sêrtî de cagêno. Nê xoverdayîşî ra dima o derbazê Besta beno û Kêla Memê de fermandarîya herême keno. 

Embazê ma Brûsk 25ê teşrîna verêne ya 2017î de hêrişê dişmenî de şehîd beno. O peyê xo de mîrasêkê têkoşînî yê xurtî verdeno. Ma do tim wayîrê vîrameyîşê ey vejîyê û armancanê têkoşînê ci bi serkewtişî bîyarê ca.''