Merkezê Îrtîbatî û Çapemenîye yê HPGyî bi eşkerayîyêke bîlançoya şerî ya menga hezîrane eşkera kerde. Eşkerayîye wina ya:

''Gerîlayanê Azadîye yê Kurdîstanî menga fedayîtîye hezîrane de vera artêşa tirke ya îşxalkere bi ruhê fedayîyî yê Apoyî têkoşîno xurt kerd. Varkurê Kurdîstan de herêma Serhedî ra heta Gabar, herêma Mawa, Elkê ra heta Colemêrgî, Wanî ra heta Garzanî her ca de vera artêşa tirke şer kerd. Artêşa tirke ya ke îradeyê ci şikiyayo erdî ra nêeşkena aver şiro û kena ke bi teknîkî ser bikewo,  gerîlayanê Vakurî bi ruhê Apoyî, xeta Zîlane de vera ci têkoşîn kerd, tewîz ci nêda. Fermandarê ma yo bêmerg Endamê Konseya Fermandarîya HPGyî Şêxmûs Milazgîr Gilîdag de têkoşîno destankî da,hemraya ma Bêrîtane Nurhak Çîya teslîmê dişmenî nêbîye bombaya xo serê xo de teqna û heme têkoşînê embazanê ma bînan ke bi eynî rûhî ame kerdene morê xo da menga hezîrane ro. Têkoşînê hezîrane de hermrayê ma Şêxmûs Milazgîr, Bêrîtane Nurhak Çiya, Brûsk Kato, Axîne Gabar, Şervan Botan, Rustem Çekdar Kato, Kamûran Teyrêbaz, Dilsoz Gabar, Akif Gabar û Bager Kurdistan  şehîd bîyî. Hêrişê dişmenî yê vera Mawa de hemrayê ma Nurhak, Eylem û Zeynepe bi hewayêkê giranî birîndar bîyî û kewtê destê dişmenî.

Gerîlayan darbê girdî dayî dişmenî ro

Gerîlayanê Azadîye yê Kurdîstanî vera hêrişanê îşxalî yê artêşa tirke Herêmanê Pawitişî yê Medya de têkoşînê xo yo tarîxî domna.Zap, Avaşîn, Metîna, Heftanîn û Xakurkê de hêzanê ma derbê girdî dayî dişmenî ro. Hêzanê ma bi taktîkanê zengîanan da piro û hêrişê ke dewleta tirke bi çekanê qedexeyan kena û sûcê şerî kena, betal kerdî.

Qendîl de ANKA dîya war

Hêzanê ma Vakurî ra heta Herêmanê Pawitişî yê Medya her ca açarna warê têkoşînî.Eynî wextî de azmînê Kurdîstanî de zî çalakîyî ameyî kerdene. 6ê hezîrana 2024î de azmînê Asosî de droneyo çekdar (SÎHA) yo bi tîpê ANKA yê dewleta tirke hetê hêzanê ma yê Qendîlî ra ame wardayene.  Belgeyê wextê wardayîş û xirbeyê nê dronî şarê ma û rayrapêroyîye rê ameyî parekerdene.

Bi wesayîtanê hewayî 25 çalakîyî

Gerîlayê Azadîye yê Kurdîstanî menga hezîrane de vera artêşa tirke çalakîyê hewayî zî kerdî û da baregehanê îşxalkeran ro. Yewîya ma ya Şehîd Dogan Zinarî menga hezîrane de 25 çalakîyê hewayî kerd û derbê giranî dayî dişmenî ro. Gerîlayê Azadîye yê Kurdîstanî ke her hetî ra xo aver benê hetê taktîkî ra zî benê pîspor û teknîkî rê benê hakîm. Gerîlayê Azadîye yê Kurdîstanî menga fedayîtîye de xeta Zîlane de reyna mojna ra ke ê wayîrê wezîfeyê xo yê Şerê Şarê Şorişgêrî vejîyenê û ver bi serkewtişî şinê.''

Bîlançoya menga hezîrane

Bîlançoya şerê hezîrane wina ya:

Hêrişê artêşa tirke ya îşxalkere

Hêrişê bi teyarayanê şerî: 273

Hêrişê bi helîkopteran: 11

Hêrişê bi teqaberanê qedexeyan: 54

Hêrişê bi droneyanê bombabarkerdeyan: 6

Hêrişê bi çekanê kîmyewîyan: 75

Çalakîyê gerîlayan

Çalakîyê hewayî: 25

Çalakîyê erdî: 160

Heme çalakîyê gerîlayan: 185

Vînîbîyayeyê dişmenî

Hûmara îşxalkeranê ke merdî: 46

Hûmara îşxalkeranê ke birîndar bîyî: 9

Êyê ke ameyî îmhakerdene

ANKA SÎHA: 1

Wesayîtê bi tîpê Reo: 1

Sîstemê Radarî: 2

Kameraya Mobese: 19

Drono bi teqaberî: 10

Konteynir: 3

Çeka Girane ya A4: 1

Çeka BKC: 1

Bombaeştox: 1

Jenator: 1

 Xeyme: 4

Fotokapan: 2

Mewzî: 9

Kamera: 1

Projektor: 3

Êyê ke ameyî destsernayene

Kameraya sereyî:1

Fener: 1

Êyê ke ameyî derbkerdene

Sîstemê pawitişê heweyî: 1

 Kepçe: 1

Mewzî: 7

Radar: 1