Merkezê Îrtîbatî û Çapemenîye ya HPGyî pê eşkerayîyêke bîlançoya şerî ya 2 mengan eşkera kerde. Eşkerayîye wina ya:

''Şewa 23ê nîsane vera herêmanê Zap, Avaşîn û Metîna yê Başûrê Kurdîstanî operasyonê îşxalî dîya destpêkerdene û hêzanê ma zî vera nê îşxalî Hemleyê Şorişgêrî yê Cengê Xabûrî û Bazanê Zagrosî dayî destpêkerdene. Hemleyanê ma 2 mengê xo temam kerdî Nê xoverdayîşê 60 rojan de xoverdayîşê bêhemparî û mîsalê çêrîye ameyî mojnayene.

Gerîlayê Azadîye yê Kurdîstanî xeta gerîlatîya dewrê neweyî ser o bîyî profesyonel, pê performansê xo yê Zap, Metîna û Avaşînî taktîkê dişmenî kenê pûç û bi nê hawayî Kurdîstan de tarîx newe ra nusenê. Hêzê ma 60 rojan o bêmabên têkoşîn kenê, pê îradeyê Apogîrî terzê gerîlatîya otonome ra heta mewzîyanê şerî her çalakîye de pê taktîkanê tewir bi tewiran derbanê giranan danê dişmenî ro.

Na bîlançoya şerî ya ke rayberîya embazanê ma yê şehîdan de ameye destvistene, eşkera kerd ke rixmê hende îmkan û teknîkê ci artêşa tirke ya îşxalkere nêeşkaye aver şora, derbê giranî werdê. Artêşa tirke netîceyanê nê şerî rayaumûmîya xo û yê dinya ra nimnena la binkewtişê înan rîyo raştikên ê îqtîdarê AKP-MHPyî zî kerd zelal. Sere de şarê kurdî pêro şaran gerîlayan ra moral, hêz û xîretê xoverdayîşî girewtî û îtîrazê xo vurna kerd serewedaritiş. No zî sîyasetê qirkerdiş û zulmî zêdêr teng keno.

Têkoşînê ma yê gerîlatîye 2 serranê peyênan de pê pratîkanê hemleyanê Cengê Heftanînî, Destanê Garê, Cengê Xabûrî û Bazanê Zagrosî mojna ke gerîlatîya Modernîteya Demokratîke do cuya azade ser bivisna. Nê di mengan de xeylêk embazê ma yê ereb, êzidîyî û hemwelatîyê çar parçeyê Kurdîstanî şehîd bîyî. Înan perspektîfo neteweyî û mîyanneteweyî yê têkoşînê ma vet werte.

Dewleta tirke ya îşxalkere ya ke pê têkoşînê gerîlayan nêeşkaye vera mewzîyanê şerî sûcê şerî û merdimîye kerd, gazê jehrînî û çekê kîmyewîyî şuxilnayî. Hetê bînî ra xeta xayîne û hemkare ya kurdan nê rojan de reyna têgêrena û pê porvakasyonan kena ke gerîlayan piştî ra xençer bikera, biresa armancê xo. La hîsgerîya hêzanê ma û têgêrayîşê ma, nêrazîbîyayîşê şarê ma û israrê yewîya neteweyîye no kayê îşxalkeran pûç kerd. Şarê kurdî pê israrê yewîya neteweyîye, qerardarîya pawitişê destkewteyanê Kurdîstanî, pê nêrazîbîyayîşê vera sîyasetê îşxalî û pê xoverdayîşê xo mojna ke wayîrê ê hêzî yo ke komplo û provakasyonan pûç bikero.

Sey Gerîlayanê Azadîye yê Kurdîstanî ma bi na wesîle ancî anê ziwan ke seke heta nika ma  kerd naye ra pey zî ma do bi qerardarî û bawerî vera îşxalê Kurdîstanî, qirkerdişê vera şarê ma û pêro provakasyonan pê paştdayîşê şarê xo pûç bikerê.

Bîlançoya di mengan a Hemleyanê Şorişgêran ê Cengê Xabûrî û Bazanê Zagrosî wina ya:

Çalakîyê hêzanê ma:

-2 çalakîyê dafike

- 9 çalakîyê dekewtişê mîyanî

-14 çalakîyê koordîne û hemwextî yê gerîlayan

-17 çalakîyê derbkerdişî

-35 çalakîyê suîkastî

-59 çalakîyê çekan ê giranan

-66 çalakîyê sabotajî

-86 çalakîyê hêrişî

-Bi temamî 288 çalakîyê gerîlayan ameyî kerdene.

Netîceya çalakîyanê hêzanê ma de;

-389 îşxalkerî ameyî cezakerdene.

-47 îşxalkerî ameyî birîndar kerdene

Embazê ma yê ke şehîd bîyî;

-54 embazê ma şehîd bîyî.

Çalakîyê Hêzanê Pawitişê Hewayî yê Şehîde Delale;

-39 çalakîyê hewayî ameyî kerdene

Hêrişê artêşa tirke ya îşxalkere;

-Herêmê Pawitişî yê Medya hema hema her roje pê obus, bombaya mîskete, hawan, helîkopter û teyarayan bi seyan reyî dîyayî bombayan ver. Artêşa îşxalkera ke pê bombardumanî ser nêkewte darê herêman birnayî, pê rayîrê tay şîrketan daristanî talan kerdî, xeylêk daristanî dayî adirî ver.

-Artêşa îşxalkere 62 reyî xîret kerd ke debikewa tunelan.

-Vera mewzîyan û tunelanê şerî 17 reyî gazê jehrînî û çeka kîmyewîye xebitnayî.

Wesayîtê dişmenî yê ke hetê hêzanê ma ra ameyî derbkerdene;

-2 wesîyatê leşkerî

-3 kepçeyî

-6 dronî

-6 helîkopterî

Malzemeyê leşkerî yê ke hêzanê ma îmha kerdî;

-1 wesayîtê transîtî yo leşkerî

-1 wesayîtê kîrpî yo leşkerî

-1 wesayîtê bikumanda

-1 wesayîtê bi tîpê Reoyî

-2 wesayîtê normalî yê leşkerîyî

-2 çekê A4î û mewzîyî

-1 kamelya

-1 dûrbûnê teleskopî

-1 xeyme

-3 droneyî

-4 radarî

-9 kamerayê mobese

-Mertalê ke guleyî tesîrê ci nêkenê

-Bi desan mewzîyî

Malzemeyê ke hetê hêzanê ma ra dest nîya ser;

-1 haceto bêtel

-1 çeka MPTyî

-1 çeka bombaeştoxe

-1 çeka BKCyî

-1 çeka B7î (bisiving)

-1 dûrbûnê roje

-1 dûrbûno termal

-2 dûrbûnê çeke

-1 dedektorê mayinî

-1 dron

-6 çanteyê leşkerî

-650 gr madeyê teqaberî

-Kunyeyê leşkerî

-Xeylêk malzemeyê leşkerî