Merkezê Îrtîbatî û Çapemîye yê HPGyî derheqê çalakîyêka xo de detayî bi eşkerayîyêke pare kerdî. Eşkerayîye wina ya:

''Hêzanê ma çarçewa Hemleya 'Wextê Azadîye' de 13ê gulane de warê Glîdaxî ya herêma Serhedî de vera îşxalkeranê ke asayîşê Berê Sînorî yê Gurcubulakî bîyî, çalakîyêka hemwexte û bikoordîne kerde. Çalakîye de di baskan ra 2 wesayîtê kobra, xeymêk û 2 mewzîyê îşxalkeran ameyî hedefkerdene û pirodayene. Çalakîye de verî kobarayêke ameye îmhakerdene, îşxalkerê zereyî ci ameyî cezakerdene, kobraya bîne û 2 mewzî ameyî derbkerdene. Îşxalkerê ke derbî girewtî ver bi xeyme remayî dima zî xeyme ameye pirodayene, îmhakerdene û xeylêk îşxalkerê zereyê xeyme ameyî cezakerdene.

Dewleta tirke vat ke na çalakîye de têna kesê bi nameyê Velî Kabalayî ame cezakerdene şa çalakîye de xeylêk îşxalkerî ameyî cezakerdene û 1 wesayîtê kobra, xeymêk ameyî îmhakerdene û  1 kobraya bîne 2 mewzîyî ameyî derbkerdene.

Pê na çalakîye qesasê embazêka ma ame girewtene ke 29ê nîsane de Amed de şehîd bîye.''

Eşkerayîye de derheqê hêrişanê îşxalî de zî nê agahîyî dîyayî:

Metîna

''14ê gulane de Girê Zendûra yê herêma Metîna de  îşxalkeran waşt ke ver bi dewa Asûrî û Kêste şorê. Na herême de mabênê hêzanê ma û îşxalkeran de pêkewtişê giranî dewam kenê. Agahîyê zêdeyî dima do rayaumûmîye reyde bêrê parekerdene.

13ê gulane de warê Mamreşo, Mervanos û Şukê yê herêma Avaşînî pê helîkopteran dîyayî bombayan ver û pê helîkopteranê Skorskyî îşxalkerî ameyî warardene.''