Merkezê Îrtîbatî û Çapemenîye yê HPGyî (HPG-BÎM) 5 gerîlayê ke gulane de Avaşîn de hetê artêşa tirke ra pê çeka kîmyewîye ameybî qetilkerdene yad kerdî.

Eşkerayîye wina ya:

''Hêzanê ma vera îşxalê artê tirke yê serê warê Aris Farisî yê Avaşînî 6,7 û 8ê gulane de xoverdayîşêko pîl mojna. Nê 3 rojan de îşxalkeranê ke pê taktîkanê cî-cîyayan ameyî pirodayene vînîbîyayîşê pîlî dayî. Tay embazanê ma bire daye ke mewzîyan û tunelan de bimanê û bi hawayêkê fedayîyî heta peynî xo ver da. Dewleta tirke ya namerde û faşîsta ke pê fedayîtî û îradeyê Gerîlayanê Azadîye yê Kurdîstanî nêeşkayî çeka kîmyewîye şuxilnaye û embazê ma bi hawayêkê namerdî qetil kerdî. Embazê ma Dîyana, Jîne, Rûbar û Sarya rayberîya fermandarîya embaze Amara Cûdî de pê çêrêka pîle mewzîyanê şerî de şehîd bîyî. Nasnameyê embazanê ma yê gerîlayan wina yê:

Nameyê Qodî: Amara Cûdî

Name û Peyname: Ayşe Kapar

Cayê Bîyayîşî: Etrûş

Maye-Pî: Taybete – Ahmet

Tarîx û Cayê Şehadetî: 8ê Gulana 2021î / Avaşîn

 

Nameyê Qodî: Dîyana Marîa

Name û Peyname: Dîcle Omer Ahmet

Cayê Bîyayîşî: Dêrîk

Maye-Pî: Feleke – Omer

Tarîx û Cayê Şehadetî: 8ê Gulana 2021î / Avaşîn

 

Nameyê Qodî: Jîne Yılmaz

Name û Peyname: Bahare Nas

Cayê Bîyayîşî: Sêrt

Maye-Pî: Zeynepe – Yusuf

Tarîx û Cayê Şehadetî: 8ê Gulana 2021î / Avaşîn

 

Nameyê Qodî: Rûbar Marufî

Name û Peyname: Şervan Ozkan

Cayê Bîyayîşî: Colemêrg

Maye-Pî: Sarya – Îsmet

Tarîx û Cayê Şehadetî: 8ê Gulana 2021î / Avaşîn

 

Nameyê Qodî: Sarya Çiya

Name û Peyname: Sarya Mahmut

Cayê Bîyayîşî: Şam

Maye-Pî: Cîhane – Sabrî

Tarîx û Cayê Şehadetî: 8ê Gulana 2021î / Avaşîn

Embaza ma Amara Cûdî kampa Etrûşî ya Başûrê Kurdîstanî de dadîya xo ra bîya û pê armancê binkerdişê dewleta tirke ya îşxalkere tewra gerîlayan bîye. Embaze Amara seba caardişê azadîya Rayberîye, averberdişê xeta azadîya cinîyan û seba layîqbîyayîşê xeta şehîdan tim xîret kerd û bîye fermandarêka marîfetîne ya YJA-Starî. Embaze Amara seba ke dişmenî ra hesab bipersa rayberîya Hemleya Şorişgêre ya Bazanê Zagrosî kerd, kesayetê xo ra qetî tawîz nêda û bi nê hawayî sey fermandara raybere ya YJA-Starî bîye şehîde.

Embaza ma Dîyana Marîa şaristanê Dêrikî yê Rojawanî de dadîya xo ra bîye û 2013 de tewra gerîlayanê azadîye bîye. Embaze Dîyana bi serran Heftanîn de pratîkî kerdî û perwerdeyo îdeolojîk ê gerîlatîya moderne dî. Nê perwerdeyî ra dima embaze Dîyana derbaza Avaşînî bîye û sey çêrêka tarîxî şehîd bîye.

Embaze Jîne Sêrt de dadîya xo ra bîye û dima keyeyê ci neçare mend ke koçê metropolan bikero. Embaze Jîne 2015 de verê xo da koyan, Vakur de dest pê gerîlatîye kerd, Metîna de bîye tecrubeyîne û bîye fermandare. Embaze Jîne pê perpektîf, hîşmendîye û perwerdeyî derbazê Avaşînî bîye  û sey fermandarêka YJA-Starî vera îşxalî rolêko aktîf ard ca û pê çêrî şehîd bîye.

Embaz Rûbar Colemêrg de dadîya xo ra bi û seba cuya azade 2013 de tewrê gerîlayan bi. Embaz Rûbarî dima ke Metîna û Zapî de xeylêk tecrubeyî girewtî derbazê herêma Avaşînî bi û Hemleya Şorişgêre ya Bazanê Zagrosî de rolêko aktîf kay kerd. Embaz Rûbar mazharê heskerdişê pêro embazanê xo bi û bi fermandarêko serkewte. Embaz Rûbar Aris Faris de  çêrîyêka pîle mojnaye.

Embaze Sarya Kobanê de dadîya xo ra bîua û 2016 de tewra gerîlayan bîya. Embaze Sarya sey cinîyêka azade tim xîret kerd ke xo aver bera û bi nê hawayî îdeolojîya Apogîre de xorin bîye. Embaze Sarya sey gerîlaya YJA-Starî derbaza herêma Avaşînî bîye û pê qerardarî û çêrî Hemleya Şorişgêre ya Bazanê Zagrosî de şehîd bîye.

Ma sere de keyeyanê ercîyayeyan ê şehîdanê xo rê pêro şarê welatperwerî yê Kurdîstanî rê serweşîye wazenê. Ma soz danê ke do bibê teqîbkerdoxê xet, armanc û xeyalanê şehîdan, qesasê înan bigêrê û bi nê hawayî têkoşînê xo berz bikerê.''