Merkezê Îrtîbatî û Çapemenîye yê HPGyî 6 gerîlayê ke 2016 de Garê şehîd bîyî yad kerdî. Eşkerayîye wina ya:

''Dewleta tirke ya îşxalkere semedo ke şarê ma qir bikera pêro tarîxî de reya verêne hende bi hawayêkê giranî hêriş kena. Netîceya nê hêrişan ra yew de 2016 de herêma Garê de fermandarê ma yo ercîyaye Dilêr û ewladê çêrî yê şarê ma Çîçeke, Ekîn, Destan, Şervan û Zerdeşt şehîd bîyî. Ma serrgêra şehadetê înan de nê embazanê ke pê kesayet û tewirê xo serkewtiş hedef kerdêne yad kenê.

Nasnameyê embazanê ma yê şehîdan wina yê:

Nameyê Qodî: Dilêr Andok Name û Peyname: Cebraîl Rustemî Cayê Bîyayîşî: Kamyaran Maye-Pî: Selma – Welîd Tarîx û Cayê Şehadetî: 5ê Tebaxa 2016î/Garê

 

Nameyê Qodî: Çîçeke Gabar Name û Peyname: Axîne Bahar Çagirga Cayê Bîyayîşî: Şirnex Maye-Pî: Terfîya – Bejdar Tarîx û Cayê Şehadetî: 5ê Tebaxa 2016î/Garê

 

Nameyê Qodî: Ekîne Dilocan Name û Peyname: Asîme Daniş Cayê Bîyayîşî: Şirnex Maye-Pî: Reşîde – Emin Tarîx û Cayê Şehadetî: 5ê Tebaxa 2016î/Garê

 

Nameyê Qodî: Destane Amed Name û Peyname: Mizgîne Şener Cayê Bîyayîşî: Amed Maye-Pî: Dilşa – Davut Tarîx û Cayê Şehadetî: 5ê Tebaxa 2016î/Garê

 

Nameyê Qodî: Şervan Cudî Name û Peyname: Selahattîn Çagirga Cayê Bîyayîşî: Şirnex Maye-Pî: Bahare – Îlyas Tarîx û Cayê Şehadetî: 5ê Tebaxa 2016î/Garê

 

Nameyê Qodî: Zerdeşt Keveruk Name û Peyname: Ferhat Temel Cayê Bîyayîşî: Adana Maye-Pî: Suphîye – Abdullah Tarîx û Cayê Şehadetî: 5ê Tebaxa 2016î/Garê

Embaz Dilêr Rojhelatê Kurdîstanî de dadîya xo ra bîyo. O rêçê Qazî Mihemed, Qasimlo, Simko, Dilgêş, Hewram, Şîrîne Elemholî ser o 2004 de tewrê gerîlayan bi. Embaz Dilêrî tim kerd ke şer û tewrbîyayîş pîl bikero. O 2009 de warê Gabarî yê Vakurê Kurdîstanî de birîndar bi la reyna zî derbazê warê Mêrdînî bi. O wextê hêrişanê DAÎŞî de derbazê Rojawanî bi û ey derbê giranî dayî cergan ro. Embaz Dilêr pê tewirê xo ciwananê Rojawanî rê bi mîsal. Embaz Dilêrî Vakur, Rojawan, Başûr de xeta fedaye de şer kerd û pê kesayetê xo yê şorişgêrî bi sembol.

Embaza ma Çîçeke Cizîre de dadîya xo ra bîya. Embaze Çîçeke pê hîşmendîya welatperwere û hîsanê welatperwerîye tewra gerîlayanê azadîye bîye. A her ca de pê coşê xo bîye çimeyê moralî. Embaze Çîçekepê perwerîya embazan xeylêk cayan de wezîfeyî kerdî û pêro mesuldarîyê xo bêkemasî ardî ca.

Embaze Ekîne Şirnex de dadîya xo ra bîya. Embaze Ekîne vera hêrişanê îşxalî Botanî ra tewra gerîlayan bîye. Embaze Ekîne xîret kerd ke xeta Bêrîtanan û Zîlanan de bîye sembola milîtanîya fedayîye.Embaze Ekîne pê sebr û xîretêkê pîlî resaye milîtanîya PAJKî.  Aye cuya azade û têdûşte koyanê Kurdîstanî de awan kerde û bîye şerwanêka ercîyaye.

Embaze Destane Amed de dadîya xo ra bîya. A wextê hêrişanê DAÎŞî yê vera Kobanê yê 2014 de 2015 de tewra gerîlayan bîye. Embaze Destane tim xîret kerd ke xo sey gerîlayêke aver bera. Aye perwerîya xo ya bi Rayberîye û şehîdan pê kesayetê xo yê fedayî mojnaye ra. A pê heskerdiş û waştişê pîlî cuya gerîlayan rê girê dîyaya û qetî tewirê xo ra tawîz nêda.

Embaz Şervan Cizîra Botanî de dadîya xo ra bîyo. Embaz Şervanî xoverdayîşê xoîdarekerdişî de barbarîya dewlete dîye û dima tewrê gerîlayan bi. Ey bi sebr roja xo ya qesasî pawite, nê esasî ser o tim xo aver berd. Embaz Şervan pê tewirê xo yê Apogîrî û pê waştişê têkoşînî sey milîtanêkê Apogîrî tim do têkoşînê ma de bêro vîrardene.

Embaz Serdeşt keyeyê sêrtijî de Adana de dadîya xo ra bîyo. Embaz Serdeşt vera hêrişanê îşxalî tewrê gerîlayan bi. Embaz Serdeşt bi taybetî binê tesîrê şehadetê embazanê xo de û binê embazîya PKKyî mend. Embaz Serdeşt bi qerardarîya temsîlîya PKKyî sey çêrêkê bêmergî mîyanê têkoşînê kurdan de ca girewt.

Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. Ma soz danê ke hedefanê serkewtişî yê şehîdanê xo bîyarê ca.''