Merkezê Îrtîbatî û Çapemenîye yê HPGyî pê eşkerayîyêke 3 gerîlayê ke 2017 de şehîd bîyî yad kerdî.

Eşkerayîye wina ya:

''Dewleta tirke ya qirkere seba ke bieşka kurdan qir bikera sere de Başûrê Kurdîstanî de her cayê dinya de hêrişê destkewteyanê şarê ma lena. Gerîlayê Azadîye yê Kurdîstanî zî vera înan her ca de xo ver danê ke no xoverdayîş ewro resa asta tewr pîle. 12ê hezîrana 2017î de hêzanê ma warê Şikêrê Sipî yê Xakûrkê de vera artêşa tirke çalakîyêka xurte kerde û netîce de yew îşxalker ame cezakerdene. Artêşa tirke na çalakîye de giranîye daye teknîkî ser û waşt wina binkewtişê xo binimna.Seba ke embazê ma yê na çalakîye bi hawayêkê weşî abigêrê warê xo fermandarîya embaz Şervan Ronahîyî de embazê ma Pelda û Şervan bi hawayêkê fedayî şer kerd û şehîd bîyî. Ma serrgêra şehadetî de nê embazan bi minet û rêzdarî yad kenê.

Nasnameyê embazanê ma wina yê: Nameyê Qodî: Şervan Cotkar Name û Peyname: Ûmût Sezan Cayê Bîyayîşî: Wan Maye-Pî: Hanime-Abdulhadî Tarîx û Cayê Şehadetî: 12ê Hezîrana 2017î / Xakûrkê

Nameyê Qodî: Şervan Ronahî Name û Peyname: Mûhammed Ermekan Cayê Bîyayîşî: Makû Maye-Pî: Xezale-Mûstafa Tarîx û Cayê Şehadetî: 12ê Hezîrana 2017î / Xakûrkê

Nameyê Qodî: Pelda Gilîdax Name û Peyname: Yaprake Çakmaz Cayê Bîyayîşî: Îdir Maye-Pî: Emîne-Mîrsevdî Tarîx û Cayê Şehadetî: 12ê Hezîrana 2017î / Xakûrkê

Embazê ma Şervan Ronahî şaristanê Makû yê Rojhelatê Kurdîstanî de dadîya xo ra bi û wextê hêrişanê giranan ê vera şarê ma de tewrê gerîlayan bi. Embaz Şervan tim pê kesayetê xo bale ante xo ser û bi wayîrê hûrmetê embazanê xo. Embaz Şervanî warê perwerdeyî bi cidîyetî qedîna û wezîfeyê fermandarîye girewt. Embaz Şervan vera artêşa tirke ya îşxalkere xeylêk çalakîyan de ca girewt û pê çeka xo ya doçka derbê pîlî dayî dişmenî ro. Embaz Şervan sey fermandarêkê herêma Xakûrkê do nêro vîrakerdene.

Embaza ma Pelda şaristanê Îdirî yê herêma Serhedî de dadîya xo ra bîye û pê bawerîya azadîye tewra gerîlayan bîye. Embaze Pelda cuya gerîlatîye de pêro wezîfe, mesuldarîyê xo ardî ca û pê perwerîye tim xo aver berd. Aye bi taybetî perwerdeyê leşkerî de xo aver berd û sey şerwanêka YJA-Starî û PAJKî bi coşî tewrê têkoşînî bîye.

Embaz Şervan Cotkar şaristanê Wanî de dadîya xo ra bi û vera sîstemê kolonyalîstî tewrê gerîlayan bi. Embaz Şervan Cotkar pê fedakarî û kedkarîya xo şinasîyayêne. Ey pê nê taybetmendîyanê xo tim vernî de ca girewt û xîret kerd ke bibo milîtanêko raştikêno apogîr. Embaz Şervan Cotkarî pê çalakîyan cewan da kolonyalîzmê dewleta tirke û bi çimeyê têkoşînî yê ciwananê kurdan.

Ma sere de keyeyanê erjîyayeyan ê embaz Şervan Ronahî, Pelda Gilîdax û Şervan Cotkarî rê pêro şarê welatperwerî yê Serhed û Kurdîstanî rê serweşîye wazenê. Ma sozo ke seba serkewtişî dabi embazanê xo yê şehîdan, Rayberê xo şarê xo qetî do bîyarê ca.''