Merkezê Îrtîbatî û Çapemenîye yê HPGyî da zanayene ke gerîlayan çarçewa Hemleya Şorişgêre ya Bazanê Zagrosî de Zap de dayo îşxalkeran ro.

Eşkerayîye de nê ameyî parekerdene: ''11ê tebaxe de îşxalkerê ke Qilê Şehîd Merwanî de ameybî cakerdene, hetê hêzanê ma yê YJA Starî ra ameyî pirodayene. Çalakîya ke hêzanê  masemedê selamkerdişê Hemleya 15ê Tebaxe kerde de mewzîyêke ameye derbkerdene û di sîstemê kamara ameyî îmhakerdene.''

Hêrişê Hewayî

HPGyî da zanayene ke hêrişê dewleta tirke yê hewa û obusan dewam kenê û derheqê hêrişanê ke 11ê tebaxe de ameyî kerdene, nê vatî: ''Warê Kefya yê herêma Garê 3 rey pê teyarayanê şerî ame bobmardumankerdene. Warê Tabûrê Ereban û Mervanosî yê herêma Avaşînî de têgêrayîşê helîkopteran qewimîya û Girê Sorî de tunelê şerî pê çekanê giranan ameyî bombardumankerdene. Tunelê şerî yê warê Werxelê yê Avaşînî pê gazê kîmyewîyî ameyî  û madeyanê teqayîşî bombardumankerdene. Herême ser o têgêrayîşê Droneyan dewam keno. Dewê Êdînê, Dêşîşê û Seraru yê Kanî Masî pê obus û hewanan ameyî bombardumankerdene.

Nê hêrişê ke ameyî kerdene de vînîbîyayeyê ma çîn ê.''