Serra 2011î de qezaya Cizîre ya Şirnexî de çarçewa operasyonanê qirkerdişê sîyasîyî de binê nameyê 'KCKyî' de derheqê tay kesan de dewa amebî akerdene. Roniştişê bire yê dewa Mehkemeya Cezaya Girane ya Meletî de ame kerdene. Hemşaredarê Cizîre, sîyasetmedar û temsîlkarê rêxistinanê komelê sivîlî zî tede roniştiş de dewaya 79 kesan ameye dîyene. Avûkatî pê rayîrê SEGBÎSî tewrê mehkeme bîyî.

Hemşaredarê Cizîre Mehmet Zirigî rê ke wezîfeyê xo ra amebi girewtene cezaya zîndanî ya 6 serran û 3 mengan ameye dayene.

Mehkeme derheqê 67 kesan de pê sûcê ''endamîya rêxistine'' cezaya zîndanî ya 6 serran û 3 mengan ra heta 10 serran daye.

Zirigî derheqê bire de vat: ''Pê na bire hemkarîya cematî û AKPyî ameye îsbatkerdene. Ne cemat ne zî rejîmê yewkesî do nêeşkê bikerê ke ma têkoşînê xo ra fek vera bidê.''