Heyetê hunermendanê ke tede Şivan Perwer, Diyar Dersim, Firmêsk Hafiz, Hesen Şerîf û Besere Şahîn estê Hewlêr de Wezaretê Pêşmergeyan zîyaret kerd. Wezîrê Pêşmergeyan Şoreş Îsmaîlî heyet pêşwazî kerd. Kombîyayîş bi hawayêkê girewteyî ame kerdene.

Hunermend Şivan Perwerî pêvînayîşî ra dima eşkerayîye daye û vat: ''Ma sey hunermendanê kurdan ameyî Başûr û waştişê xo Wezaretî rê pêşkêş kerdî. Dişmenê kurdan wazenê kurdî bikewê pê, têvera şer bikerê. Ganî ma Başûr, destkewteyanê ci bipawê. Seba haştîya kurdan çi bikewo milê ma, ma do bikerê.''

Hunermend Dîyar Dersimî zî cewab da persanê rojnamegeran û vat: ''Wa pêşmergeyî erkê xo bîyarê ca. Ma nêwazenê mabênê gerîla û pêşmergeyan de şer biqewimîyo. Wezaretî soz da ma ke ê do şerê zereyî nêwazê. Çunke şer têna xizmeyê dewleta tirke keno.''