Pawitoxê heqanê merdiman û huqûqnasî Xalid Omerî ANFyî rê qisey kerd û îfade kerd ke Komployo Mîyanneteweyî û tecrîdê vera Rayberê Şarê Kurdî Abdullah Ocalanî bi xoverdayîşê şarî ameyo pûçkerdene.

Xalid Omerî dîyar kerd ke felsefeya Abdullah Ocalanî ewro xeylêk cayanê dinya de yena qebulkerdene û vat: ''Rayber Apo rixmê şertanê Îmraliyî zî ewro payan ser de yo. Şarê ma zî hêzê xoverdayîşî Rayber Apoyî ra gêno. Dewleta tirke dima ke dî komplo çîyêkî rê nêbeno tecrîdê Îmraliyî vist dewre. No tecrîdo ke metodêkê îşkenceyî yo, cayê ci huqûqî de çin o. CPTyî her çiqas Îmrali zîyaret kerdo zî derheqê rewşa Rayber Apoyî de agahîyêke nêdaye.

Ewro dinya ser o bi mîlyonan merdimî destek danê fikranê Rayber Apoyî. Têkoşînê seba azadîya Rayber Apoyî mesuldarîya pêro pawitoxanê heqanê merdiman a. Ma zî sey înîsîyatîfê Huqûqnasan ê Sûrîye çi bikewo milê ma seba azadîya Rayber Apoyî bikerê û çalakîyanê xo rê dewam bikerê.''