Fermandaranê HPGyî ya Ozgur Jîyandayî  hêrişê îşxalî û konseptê şerê taybetî yê dewleta tirke ANFyî rê ercna.

Ozgur Jîyandayî ard ziwan ke dewleta tirke heme îmkananê xo şerê Kurdîstanî de şuxulnena û vat: ''Îqtîdar nê şerî de refleksê komelî dosneno. Dewleta tirke bi xeberanê zûran şarî xapînena. Operasyonê Heftanînî de zaf vînîbîyayeyê înan estê la medyaya ke goreyê hukmatî têgêrena nînan rayrapêroyî ra nimena. Derheqê şerê Heftanîn de xîlaf qal  kenê. Têkoşîn û çalakîyanê gerîlayan ver nêeşkenê mewzîyan ra sareyê xo vejî. Her war de hedefê ma de yê. Ê bi teknîkî şer rayra benê la gerîla bi tewirê xo yê modern, afernaye û pîsporî şino dişmenî ser û heme û heme hêvîya înan çîn keno. Têkoşînê gerîlayan ê  Heftanînî do heme hêrişanê înan pûç vejo û peynîya înan bîyaro.

Gerek şarê kurdî binê tesîrê polîtîkaya şerê taybetî memano. Dewleta tirke hêrişan de qoricî û kontrayan şuxulnena. Gerek nê kesî tewrê şerî mebê. No yewîya kurdan zehîf keno. Ma nêwazenê ke înan hedef bigêrê la wa no zî bêro zanayene ke êyê ke benê sebebê şehadetê embazanê ma do bêrê cezakerdene. Şarê ma yê Başûrê Kurdîstanî welatperwer o û welatê xo rê girêdaye yo ke tarîx de xeylêk rey koyan de têkoşîn dayo. Şarê ma gerek vera îşxalî tewirêko pêt û têkoşînkî ramojno. Şarê gerek erdê xo cameverdo û kişta gerîlayan de vindero.''