Endamê Komîteya Rayberdişî ya PKKyî Kalkanî eşkera kerd ke Mutabaqatê Edeneyî matabaqatê komploya mîyanneteweyî yo û vat, “Muhtewaya Mutabaqatê Edeneyî qedîyaya, kenê ke newe ra bikerê gane. Ê şert û mercî hendî nêmendî.”
Endamê Komîteya Rayberdişî ya PKKyî Dûran Kalkan tewrê bernameyê “Ulkeden” yê kanalê Medya Haberî bi ke do ewro bêro weşanayene. Kalkanî ard ziwan ke ê nêzanê tirêm Mutabaqatê Edeneyî çiqas goreyê zerra Rûsya yo, labelê na yewe waştişê Tirkîya ya. Kalkanî vat çapemenîya Tirkan seba nê zemîn hadre kena û vat, “Seba ke Tayyîp Erdogan û îdareyê Esadî pê bikerê nê kenê. Seba ke înan xeylî heqaretê giranî yewbînan rê kerdî. Seba ke çîyo ke kerdo ra agêro kenê ke zemînêk virazê.”
MUTABAQATÊ EDENEYÎ SÛRÎYE FÎNA NÊ HALÎ
Kalkanî seba Rûsyayî vat, “Hetêk ra Kurdanê azadîperweran dir ronişeno, qaşo pêvînayîşê bi îdareyê Esadî teşwîq keno, la hetê bînî ra Tirkîya dir Mutabaqatê Edeneyî ano rojdem. Ganî Rûsya cidî bo.
Ma hemeyan dî ke Sûrîye kewte çi halî. Çîyo ke rayîrê nê halî akerd Mutabaqatê Edeneyî bi. Eke îdareyê Esadî nê fam nêkeno o wext kor o, çîyêk sîyasetî ra fam nêkeno. La ez bawer nêya kef am nêkeno. Îdarekarê Sûrîye biaqil ê, sîyasetê Şamî karêko asan nêyo. Înan fam kerd û mûsayî çîyo kea me sereyê înan rîyê Mutabaqatê Edeneyî ra, rîyê têkilîyanê bi Tirkîya ra ame înan sere.”
ÇÎYO KE QEDÎYAYO NÊBENO KE NEWE RA BÊRO ŞUXULNAYENE
Kalkanî wina vat, “Serra 98’î de Rayber Apo vejîya. Înan bingeyê Mutabaqatê Edeneyî ser o Tirkîya dir pêkerd, Sûrîye kewte nê halî. Seba ke Sûrîye kewta nê halî tesîrê Rûsya bîyo vêşî, înan zî no çî ard rojdem. Ma bawer nêkenê ke do îdareyê Sûrîye nê qebûl bikero. Ser ra 20 serrî vîyartê, xeylî çîyî vurayî. Pratîk de bîya hîre perçeyî. 8 serrî yo Sûrîye de şer esto. No hal nêmaneno halê wextê Mutabaqatê Edeneyî. Na yewe ra çîyo ke qedîyayo nika wazenê ke newe ra bişuxulnê.
Ma nêzanê no yew çiqas goreyê zerra Rûsya yo, la Tirkîya nê wazena. Çapemenîya Tirkan seba nê zemîn hadre, seba ke Tayyîp Erdogan û îdareyê Esadî pê bikerê wina kenê. Seba ke înan xeylî heqaretê giranî yewbînan rê kerdî. Seba ke çîyo ke kerdo ra agêro kenê ke zemînêk virazê La ez bawer nêya ke do bieşkê tesîrê îdareyê Sûrîye bikerê. O proses hendî vurîya. Muhtewaya Mutabaqatê Edeneyî nêmendo.”
NEWEKERDIŞÊ MUTABAQATÎ DO BIBO FELAKET
Kalkanî peynîya qiseykerdişê xo de nê vatî, “Xusûsen rojakewtena Firatîde têkilê Kurd-Ereban resaya merheleyêka rinde, şaranê ûcayî dir sîstemêko demokratîk ameyo awankerdene. Ma umîdwar ê ke heme Erebî, partî û îdareyo nikayên nê rastîyan rind bivînê. Umîdwar a ke do zêde goş nêdê menfaatanê ercanan û tesîrê teberî. Bi nê nizdbîyayîşê demokratîkî do bieşkê çareserîye bivînê. Eke wina mebo, çîyo ke Tirkîya înan ser o ferz kena şer o. Hêzê bînî zî kenê ke şer virazîyo. Xora çîyo ke ganî nika bêro kerdene o yo ke yewîya pêroyîye bêro viraştene ke Tirkîya hermanê ke îşxal kerdê ra bêro vetene.”
