Kampa Çemişkoyî de şewat: Ciwanêkê êzidîyî dinyaya xo bedilnaye
Kampa multecîyan a herêma Dihokî de, adir kewt xeyman. Netîce de ciwanêkê êzidîyî dinyaya xo bedilnaye.
Kampa Çemişkoyî ya qezaya Zaxoyî ya Dihokî de vizêr adir kewt xeyman. Na kampe de ke binê îdareyê PDKyî de ya, şewat de xeylêk xeymî vêşayî.
Goreyê agahîyan netîceya şewatî de ciwanêkê êzidîyî Selah Cirdoyî dinyaya xo bedilnaye. Şewatî ser o agahîyêka bîne nêameye destkewtene.
Kampe de verî zî şewat vejîyabi. Şewatê 17ê sibata 2021î de 3 şingalijan dinyaya xo bedilnabî.
