Serkêşîya TAJÊ û Îdareyê Xoserî de çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye de' Şingal de kampanyaya 'Rayber Apo meymanê keyeyê ma yo' dîyaye destpêkerdene.

Çarçewa kampanya de keyeyî do bêrê zîyaretkerdene, derheqê cuya Rayberê Şarê Kurdî Abdullah Ocalanî de broşur û fotografî do bêrê vilakerdene, qalê paradîgmaya Ocalanî bêro kerdene.

Bajarekê Dugirî yê Sinunî de kampanya dest pêkerde. Endamê Meclîsê Cinîyan û temsîlkarê dezgeh û rêxistinan şinê keyeyan, fotografê Rayberê Şarê Kurdî dîyarîya keyeyî kenê û qalê cuya Ocalanî ser o sohbet kenê.

Zîyaretê keyeyan de Endama Koorînasyonê TAJÊ Nazê Îlyas vat: ''Rayber Apo mîyanê çar dêsan de bibo zî o kesêko azad o. Bi hezaran cinî û ciwanî peyê felsefe û fikranê ey ra şinê. Sey cinîyan ê êzidîyan ma do heta peynî seba azadîya Rayberê xo xîret bikerê.''

Endama Meclîsê Dugirî Semîra Sebrî vat: ''Seba ke Rayberîye ser o tecrîdêko giran est o, ma na kampanya daye destpêkerdene.''

Aktîvîstanê Polîtburoyê PADÊ ra Musa Kasim zî heyetî rê meymandarîye kerde. Wextê zîyaretî de ey vat: ''Dîyarîya şima ma kêfweş kerdî. Sey şarê Şingalî ma deyndarê Rayber Apoyî yê. Ey ma qirkerdişî ra xelisnayî.''

Keyeyê sereşîra Simoqîyan û endamê KNKyî Mam Seyîd Milhemî zî ame zîyaretkerdene. Zîyaret de Endama TAJÊ Rîhame Xidir îfade kerd ke ê wazenê cade Rayberê Şarê Kurdî ra xeberêke bigêrê.

Mam Seyîd Milhimî heyetî rê sipas kerd û vat: ''Ma do qetî kerdena Rayber Apoyî  ya seba Şingalî xo vîr a nêkerê. Wextê fermanî de şerwanê ey resayî hewarê ma. Coka şarê Şingalî caardişê azadîya Rayber Apoyî wa sey mesuldarîyêke bivîno.''