Dewa Çatakî ya qezaya Kanîreşî ya Çewlîgî de herre xo bi xo vêşaye. Hemwelatîyan ard ziwan ke 10 serran o ge ge na herre xo bi xo vêşena û ê pê ney qerqilîyenê ke erd do bilerzo. Hemwelatîyan pare kerd ke dima ke binê xeymeyanê koçeran ware de vêşa ê zêdêr pê îxtîmalê erdlerzî qerqilîyayî.

Koçeran pare kerd ke vera vêşayîşê xeyman ê dore bi dore nobete gênê û tersenê ke heywananê xo biçarnê.

Hetê bînî ra Akademîsyenê Zanîngehê Çewlîgî Dr. Vedat Avciyî herême de cigêrayîş kerd û eşkera kerd ke yew eleqeyê vêşayîşê herre bi erdlerzî çin o. Avciyî îfade kerd ke semedo ke binê erdî de vaşê kahanî pûç bîyî û nê vaşî hewayî reyde temas kerd herre vêşena. 

Avciyî vat: ''Verî tay cayanê bînan ê Çewlîgî de şewatê winasênî qewimîyabî. Rewşa ê cayan û rewşa Kanîreşî seyci yê.''