Fermandarê Qerargehê Merkezî yê Pawitişê Şarî Murat Karayilanî derheqê Hemleya 15ê Tebaxe de ANFyî rê qisey kerd.

Karayilanî derheqê hemleye de nê vatî: ''Hemleya 15ê Tebaxe têkoşînê azadî û estbîyayîşê kurdan de pelêko newe akerd ke tarîxê têkoşînê Kurdîstanî de wayîrê taybetîyanê neweyan û muhîman a. Hemleya ke hetê Rayber Apoyî ra ameye amadekerdene  bi hêzêkê şenikî kewte rayîr ke hedefê ci gird bi. Na hemle têna vera dişmenê serdestî nê eynî wextî de qerfnayîşê rêzilê koletîye yê zerreyî sey hedef girewt. Na xeta têkoşînî teslîmîyet açarna xoverdayîş. Nê hêtî ra 15ê Tebaxe xeylêk hetanî ra têkoşînanê verênan ra cîya û destpêkerdişê dewrêkê neweyî yê tarîxê têkoşînê Kurdîstanî ya.  Gerek 15ê Tebaxe têna sey serewedaritişê çekdarî nêro fehmkerdene. Taqayîşê çeke çîyêko sembolîk o. Esle xo de vengdayîşê têkoşînê komelkî yo.  Hemleya newekerdişê newe ra paywirznayişê komelî ya. Hemle bi serhildanan bîye şarbîyayîş. Xora waştene hemle zî o bi.  Coka têkoşînê gerîlayanê ke naye ra hêz girewt 9 serran verênan ser kewt û polîtîkaya înkar û îmhayî yêdişmenî pûç vete.

Xora hema wextê adirbirnayîşê  1993î de Rayber Apoyî demê çareserîye da destpêkerdene ke no eynî wext de bedilnayîşê stratejî û taktîkî îfadekerdene. O wext Turgut Ozal û ekîbê ci semedê çareserîya sîyasîyî mêlkerdene. Dewleta xorî ya ke peyê ci Gladîoyê NATO estbi çareserîya sîyasîyî qebul nêkerd û ekîbê Ozalî tasfîye kerd û 1993-1994 de demê şerî da destpêkerdene. Vera nê konseptê şerî yê neweyî de gerîlayan zî têkoşînê xo kirişt merhaleyêka corêne. Seke yeno zanayene  proses bi Komployê Mîyanneteweyî halêko newe girewt. Têkoşînê gerîlayan o ke têna vera dewleta tirke nê vera hêzanê NATO zî yeno rayraberdene, heta ewro bi xo newekerdiş ame û her tim berê ci yê çareserîya sîyasîyî akerde yê. Hemleya 15ê Tebaxe vera terorê qirkedişî yê dewlete xopawitişê şarî yo.

Çalakîyê gerîlayan ê mabênê 2004 û 2010î bitaybetî çalakîyê hîşyakerdişî bî ke prosesê nê têkoşînî dewleta kiriştê masaya çareserî. Demê Oslo de semedê çareserî zemîn ame amadekerdene la rixmê naye dewlete çareserî rê nizdî nêbîye. O wext Rayber Apoyî vat ‘‘ Şarê ma bê çare nîyo,  semedê çareserî vîjnayîşê diyînî Şerê Şarê Şorişgêrî yo.‘‘  O wextî ra nata bi nê perspektîfî têkoşîn aver şino. No eynî wextî de Dewrê Stratejîê Çarin o ke çareserî goreyê hêzê xo yê xoser îradeyê xo averberdişo.

Şerê Şarê Şorişgêrî yo ke Dewrê Stratejîê Çarinî de ame averşîyayene de hêzo bingeyên  têna gerîla  û têgêrayîşê serhildanî nîyo.  Nê dewrî de ma eşkenê qala çar hêzanê bingeyênan bikerê;

* Hêzê gerîla.

* Têgêrayîşê serhildanî yo rêxistinkerde yê şarî, ya têkoşîno komelkî yo ke serkeşîya cinî  ciwanan de aver şino.

*  Pawitişê komelî û rêxistinbîyayîşê hêzanê xopawiitşî.Yanî her taxe de he cayo ke şarê ma tede yo de semedê pawitişê komelî averberdişê rêxistinîya pawitişê sîvîlî.

*Têkoşînê şarê kurdî yê metropolan û  rol  û mîsyonê kedkaran  şorişgêran ê pabesteyê tîfaqê bi têgêrayîşê şorişgêr, sosyalîst-demokratîk yê Tirkîya.

Şerê Şarê Şorişgêrî nê çar lingan ser o yo. heta ewro ma na çarçewe de ma tam têkoşînêk nêvet werte.  Xora eke  ma nînan bîyarê ca  no beno hela serkewtişê prosesê şorişî. Coka ganî nê heme lingî berê xurtkerdene. Gerîla xîret keno ke têkoşînî girdêr bikero. Heme stratejî û taktîkê şerî yê heta nika, qoqê cira ameyî bedilnayene. Ewro heme awanîyê  leşkerî vera teknolojî xîret kenê ke goreyê ci têbigêrê.  Hêzê serdestê kolonyalîstî bi averberdişê teknolojî vanê qey hinî gerîlatîye qediyaye la ê xeletîyenê. Rayber Apo merdiman sey teknîkê tewr pîlî hesibneno. Ma na çarçewe de mîlîtan û şervananê xo yê profesyonel şorişgêran sey gerîlayanê seserra 21. Kurdîstan de aver benê. Gerîlayê seserra 21.  gerîlayê profesyonel ê.  Nê gerîlayan ma hîrê tewir perwerde kenê ke nê sey partîbîyayîş, leşkerbîyayîş û pîsporbîyayîş ganî pîya  bêrê rayraberdene.

Rejîmê AKP-MHPyî vatêne  badê nîsana 2017î ê do PKKyî biqedînê. Bi nê waştişî dest pê şerê topyekunî kerd ke kurdan bi temamî îmha bikerê. La heta ewro netcîceya ke waştêne nêgirewta. Hêrişê Rojawanî kerd, hêrişê Başûrî kerd, hêrşê sîyasetê kurdan kerd. Her hetî ra heme îmkanê xo şuxulnayî û hêriş kerd. Bêşik  o ke ma vera nê hêrişan şehîd dayî, bedelê dayî la bi têkoşînê pîlî ma mewzîyê bingeyênî pawitî û dişmen bênetîce verda. Têkoşînê gerîlayan hînî bi Kurdîstan sînorkerde nîyo. No têkoşîn semedê azadîya şarê herême yo. Seba ke ma şaran nê faşîstan ra bixelisnê ma do têkoşînî bi metodanê cîya cîyayan xurtêr bikerê. Prosesê verê ma ke her di hetî zî wazenê ser bikewê do bibo prosesê şerî yê tîtîkî. Perfomansê gerîlayan ewro xoverdayîşê Heftanînî de yeno dîyene ke senî têkoşînê pîlî danê.

Ma xeyrê  keda Rayber Apoyî û xoverdayîşê destankî yê şehîdanê xo heta ewro ameyî. Şexsê hemra fermandarê pîlî yê Egîdî de heme şehîdanê xo ma yad kenê û sozê serkewtişî newe kenê.''