Endamê Komîteya Rayberdişî ya PKKyî Murat Karayilanî ajansê ma rê tay ercnayîşî kerdî û da zanayene ke ê do Newroze de mujdeyêke bidê şarê kurdî.

Karayilanî vat: ''Sey îdareyê têgêrayîşî ma do na Newroze de, nê rojanê verê ma de mujdeyêke bidê şarê xo. Ma do mujdeyê xo bi eşkerayîyêka nuştekîye bidê. Na mujde seba berzkerdişê têkoşînê ma do biba wesîleyêka pîle. Ma do na mujde mîyanê çend rojan de bidê. Na çarçewe de ez Newroza şarê ma û pêro şaranê herême zerrî û ganî ra fîraz kena. Bijî Newroze...''

Beşê yewinî yê roportajê Karayilanî ra tay noqtayê girîngî wina yê:

''Tecrîdê vera Rayber Apoyî serra 26ine de dewam keno. Sîstemê tecrîd û îşkenceyê Îmraliyî qet yew welatêkê bînî de çin o. Rayber Apo şarê Kurdîstanî temsîl keno. Şarê kurdî qerardar o ke azadîya Rayberê xo bîyaro ca. Nê tecrîdî de hema zî rolê Hêzanê Komplogeran est ê. Nê hêzî peyê CPTyî de yê. Rayber Apoyî vera sîstemê Îmraliyî zîndan de xo ver da û paaradîgmaya xo viraşte. Ewro pêro dinya wayîra Rayber Apoyî û paradîgmaya ci vejîyena û seba azadîya Rayberîye xebitîyena.

Seke zanîyeno 10ê teşrîna verêne de hetê dostanê ma ra Hemleya Abdullah Ocalanî rê Azadîye, Meseleya Kurdan rê Çareserîya Sîyasîye' dîyabi destpêkerdene. Na hemleya azadîye seba têkoşînê ma zî zaf girîng a. Axir şarî bi xurtî wayîrê na hemle xejîyayî. Ganî ma na hemle hîna zaf pîl bikerê û ser bivisnê. 

Menga adare menga Newroze ya, menga mujde û roşanî ya. La adare de qirkerdişê sey Helebçeyî zî ameyî kerdene. Helebçe de rejîmê Saddamî bi çekanê kîmyewîyan kurdî qetil kerdbî. Ewro dewleta tirke heman çi Rojawan, Başûr û Vakur de vera kurdan kena. 

Rayber Apoyî naye ra 51 serrî verî rayraşîyayîşê Newroze  yo tarîxî dabi destpêkerdene. Her ke şi adirê Newroze gir bi. Ez Newroza Rayber Apoyî, gerîlayan û şarê ma fîraz kena. Newroze de têgêrayîşê ma tim xo ver da, têkoşîn kerd. Seke zanîyeno ke îlanê ronîyayîşê ERNK û KCKyî rojêka Newroze de amebi kerdene. 

Newroza emserîne hîna manadar a. Na Newroze de têkoşînê seba azadîya Rayber Apoyî ganî bêro pîlkerdene. Beşdarîya Newroze zaf girîng a. Ganî şarê ma bi xurtî beşdarê şayîyanê Newroze bibo û waran debikro.

Sey îdareyê têgêrayîşî ma do na Newroze de, nê rojanê verê ma de mujdeyêke bidê şarê xo. Ma do mujdeyê xo bi eşkerayîyêka nuştekîye bidê. Na mujde seba berzkerdişê têkoşînê ma do biba wesîleyêka pîle. Ma do na mujde mîyanê çend rojan de bidê. Na çarçewe de ez Newroza şarê ma û pêro şaranê herême zerrî û ganî ra fîraz kena. Bijî Newroze...''