Karayilan: Hemleya 15ê Tebaxe têkoşînê estbîyayîş û azadîye yê Kurdîstanî de wayîrê cayêkê girîngî yo. 15ê Tebaxe têna hemleyêka çekdarî nê hemleyêka pêroyî ya. Vera sîyasetê qirkerdişî têkoşînê estbîyayîşê kurdan o.
Endamê Komîteya Rayberdişî ya PKKyî Murat Karayilanî derheqê Hemleya 15ê Tebaxe de Stêrk TV rê mesajê bi vîdeoyî erşawit.
Karayilan bi kilmî mesajê xo de wina vat: ''15ê Tebaxe tarîxê şarê ma de, pelêko zerin o, destanê qehremanîye yo. Pê sayê qehremanî û fedakarîya şehîdan ameye kerdene. Ma embaz Egîdî yad kenê û sozê xo dibare kenê ke ma do girêdayeyê têkoşînê înan bibê û çeka înan erd de meverdê.
Hemleya 15ê Tebaxe têkoşînê estbîyayîş û azadîye yê Kurdîstanî de wayîrê cayêkê girîngî yo. 15ê Tebaxe têna hemleyêka çekdarî nê hemleyêka pêroyî ya. Vera sîyasetê qirkerdişî têkoşînê estbîyayîşê kurdan o. Gandarbîyayîşê şorişê komelkî û demokratîkî zî Kurdîstan de awan kerd. 15ê Tebaxe metodêk o, ruhêk o, bi nê hawayî û metodî heta ewro ameyo.''
Mesajê Karayilanî wina yo:
