Gerîlayanê HPGyî ra Tekoşer Katoyî bale ante xoverdayîşê Cengê Heftanînî ser û vat: ''Ma bi ruhê hesretîya Rayberîye têgêrenê û heta ke ma de no ruh est bo Cengê Heftanînî do ser bikewo. Heta ke gerîla bibo Kurdîstan de têkoşîn do çirey meqedîyo.''
Gerîlayanê HPGyî ra Tekoşer Katoyî qala xoverdayîşê Cengê Heftanînî kerd ke rixmê heme îmkanê tekînî yê dewleta tirke gerîlayî verê înan gênê.
''Katoyî vist vîrî ke Cengê Heftanînî serrêke verê ci dest pêkerd û vat: La hêrişî verî wina giran nêbî. La 16 hezîran ra na ta herêma Heftanînî ameye bombardumankerdene û bitaybetî zî warê Qesrokî, cayo ke ma tede yê. Hêrişan verî hetê Şehîd Adar û Şehîdê Bêrîvane de dest pêkerd. Embazê ma her hetî de estê . Ma arîzî rê hekîm ê ke dişmenî gênê binê kotnrolî. Qesrok semedê Xantûrî sey cayê pawitişî yo. Ma eşkenê vajê ke qilê pawitişê Xantûrî yo. Seba cayê xo berzîya xo muhîm o. Semedê destfînayîşê Xantûrî ganî verî Qesrok bêro destfînayene. Qesrok xeylêk waran rê hekîm o. Şehîd Hamza, Xantûr
Qilê Partîzanî înan ra tay ê. Reyna herêma vakurê Botanî rê zî hekîm o. Tam sinor de yo û semedê Kurdîstanî hîrêkoşe yo. Tam vera Koyê Cûdîyî de yo. Sinorê Başûr û Vakurî rê nizdî yo. Coka Qesrokî ser o bombayî varnayî ke bikewê de la embazan derbe daye înan ro. Meyîtê xo erdî verdayêne reyna hêriş kerdêne. Xora semedê înan ganê leşker û qoricîyan muhîm nîyo. Embazan xover da û xeta xoverdayîşê Cengê Heftanînî bewlî kerde.
Nimûne tewr rindî yê nê xoverdayîşî zî embazî Amara Roj û Memyan Sert ê. Hemrayanê ma Amara û Memyanî bi hawayêkê qehremankî vera îşxalkeran şer kerd. Bi tewirêkê fedaîkî embazanê ma da dişmenî ro. Embaz Memyan bi bomayan û eştişê sloganan şi dişmenî ser, heta bombaya xo ya peyêne xover da û seba ke destê dişmenî mekewo bomaya peyêne xo ser teqna. No ruh PKKyî payra tepişeno ke hetê Rayberîye ra yeno miqatbîyayene. No ruh ma hemeyan payra tepişeno, nê têkoşînî zî nê têgrayîşî zî. Heta ke no ruh bibo Cengê Heftanînî ser bikewo û PKK ser bikewo. Hêrişê dişmenî newe destpênêkerd. Bi serran o zulmo ke dişmenî kurdan rê nêkerdo nêmend. Her hetî ra hêrişî estê. No ruho ke nê têkoşînî payra verdeno 14ê Temmuze de vejîye meydan. Çalakîya tewr pîle o wext bîye ke hema zî hêz dana ma. Medyaya tirke ke sey leteyê şerê psîkokolojîkî yena şuxulnayene bi xebaran zûran şarî xapînena. Ma ça benê wa bibê, çi wext beno wa bibo ma vateyê qesasî yê fedaîyan ê. No do tim wina bimao. Heta ke gerîla bibo Kurdîstan de têkoşîn do çirey meqedîyo.''
