Qezaya Amedî Kayapinar de, Taxa Firatî, Kuçeyê 587‘î de, no şewdir qezaya trafîkî qewimîyaye. Yew mînîbusa serwîse ya ke plakaya xo 21 S 0949 a û otobusa şaredarîya pîle ya ke plakaya xo 21 BS 832 ya verdîyayî bi yewbînan. Otobusa şaredarîye verdîyaye dêsê yew dibistana taybete ra û wina vindete. Qewemîyayîşê qezaya trafîkî de 1’ê xo giran, 22 kesî bîyî birîndar.

Brîndarî bi ambulansan erşawîyayî Nêweşxaneyê Cigêrayîş û Perwerdeyî yê Gazî Yaşargîlî.

Wesayîtî cayê qewemîyayîşî ra ameyî wedaritene.